Perezida Kagame yemeje ko u Rwanda rwatanze ubusabe bwo kwakira Formula 1

Perezida Kagame yemeje ko u Rwanda rwatanze ubusabe bwo kwakira Formula 1

Perezida wa Repubulika Paul Kagame yemeje ko u Rwanda rwatanze ubusabe bwo kwakira Grand Prix ya Formula 1 ndetse ibiganiro biri kugenda neza.

Ibi yabigarutseho mu muhango wo   gufungura Inteko Rusange y’Ishyirahamwe Mpuzamahanga ry’Umukino wo Gusiganwa ku modoka (FIA), yabereye muri Kigali Convenction Center, kuri uyu wa Gatanu tariki 13 Ukuboza 2024.

Mu ijambo yagejeje ku bitabiriye uyu muhango, Umukuru w’Igihugu yavuze ko u Rwanda rwatanze ubusabe bwo kwakira Formula 1 ndetse ko ibiganiro biri kugenda neza.

Ati: “Nishimiye gutangaza ku mugaragaro ko u Rwanda ruri gusaba kugarura isiganwa ridasanzwe ku Mugabane wa Afurika binyuze mu kwakira Grand Prix ya Formula one. Ndashimira Stefano Dominicale n’ikipe yose ya Formula one ku nzira nziza ibiganiro byacu birimo kugeza ubu.’’

Perezida Kagame yavuze kandi ko Abanyarwanda banyuzwe no guha ikaze abitabiriye Inama y’Inteko Rusange ya FIA n’ibirori byo gutanga ibihembo ku bakinnyi b’indashyikirwa mu gusiganwa mu modoka ku Isi.

Ati “Ndashimira FIA iyobowe na Mohammed guhitamo Igihugu cyacu nk’aho kwakirira iyi nama mu gihe mwizihiza isabukuru y’imyaka 120. Twishimiye no kwakira ibirori byo guhemba biteganyijwe kuri uyu mugoroba.’’

U Rwanda niruhabwa kwakira iri siganwa ruzaba rurabaye igihugu cya kabiri muri Afurika cyakiriye iri rushanwa nyuma y’imyaka isaga 30, inshuro ya mbere ryabereye muri Afurika y’Epfo mu 1993.

Uko bigaragara ubu, u Rwanda ruramutse rwemerewe kwakira isiganwa rya Formula One, ntibyaba mbere ya 2028 kuko imijyi izakira andi masiganwa yose kugeza mu 2027 yamaze gutangazwa.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27