Perezida Kagame, Clare Akamanzi, na Amadou Gallo baganiriye ku iterambere rya BAL

Perezida Kagame, Clare Akamanzi, na Amadou Gallo baganiriye ku iterambere rya BAL

Perezida Paul Kagame yahuye n’abayobozi ba NBA baganira ku iterambere rya Shampiyona Nyafurika ya Basketball (Basketball Africa League) rikomeje kuba ubukombe muri Afurika. 

Mu bo yakiriye harimo Umuyobozi Mukuru wa NBA Africa Clare Akamanzi, Perezida w’Irushanwa Nyafurika rya Basketball (BAL) Amadou Gallo Fall n’Umuyobozi ushinzwe Ibikorwa Mpuzamahanga muri NBA Leah McNab.

Perezida Kagame na Madamu Jeannette Kagame babanje gukurikira umukino wa kabiri wo mu Itsinda rya Nile Conference mu irushanwa rya Basketball Africa League wahuje APR BBC na Nairobi City Thunders, warangiye Ikipe y’Ingabo z’Ihugu itsinze 92-63.

Nyuma y’umukino ni bwo Umukuru w’Igihugu yagiranye ibiganiro n’Umuyobozi Mukuru wa NBA Africa Clare Akamanzi; Perezida w’Irushanwa rya Basketball Africa League, Amadou Gallo Fall n’Umuyobozi Ushinzwe Ibikorwa Mpuzamahanga muri NBA, Leah McNab.

Ibiro by’Umukuru w’Igihugu Village Urugwiro, byatangaje ko “baganiriye ku ruhare rw’u Rwanda mu kwakira imikino ya BAL ndetse n’uburyo iri rushanwa rimaze kwagukana ingoga mu myaka ine ishize ritangijwe”

Bukomeza bugira buti: “Banagarutse ku bufatanye bugikomeza hagati y’u Rwanda na NBA bugamije guteza imbere impano muri Basketball imbere mu gihugu no ku mugabane wose, hamwe n’amahirwe y’iterambere imikino ishobora kubyarira Afurika.”

U Rwanda ni umufatanyabikorwa wa BAL (Basketball Africa League) kuva mu mwaka wa 2021. 

Muri uyu mwaka rwakiriye Itsinda rya Nile Conference rihuriyemo amakipe ya APR BBC, MBB Blue Soldiers, Al Ahli Tripoli na Nairobi City Thunder.

Perezida Paul Kagame yakurikiye umukino APR BBC yatsinze Nairobi City Thunder amanota 92-63
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27