Perezida w’ishyirahamwe ry’umukino wo Koga ku Isi yagiriye uruzinduko mu   Rwanda

Perezida w’ishyirahamwe ry’umukino wo Koga ku Isi yagiriye uruzinduko mu   Rwanda
Perezida wa FINA, Dr. Husain Al Musallam (iburyo) akigera mu Rwanda yakiriwe na Perezida wa RSF, Igirimbabazi Pamela

Perezida w’ishyirahamwe ry’umukino wo Koga ku Isi « FINA », Dr. Husain Al Musallam  yagiriye uruzinduko rw’akazi mu Rwanda aho yageze i Kigali ku gicamunsi  cyo kuri uyu wa Gatatu taliki 16 Werurwe 2022.

Akigera mu Rwanda yakiriwe na Perezida w’ishyirahamwe ry’umukino wo Koga mu Rwanda “RSF”, Igirimbabazi Rugabira Pamela.

 Nyuma Perezida wa FINA yagiranye ibiganiro na Perezida wa Komite Olempike y’u Rwanda, Uwayo Théogène ndetse na Minisitiri wa Siporo “MINISPORTS”, Munyangaju Aurore Mimosa. Ibi biganiro bikaba byibanze ahanini ku bikorwa biteganyijwe byo guteza imbere umukino wo Koga mu Rwanda.

Perezida wa FINA, Dr. Husain Al Musallam n’abo bazanye mu Rwanda bagiranye ibiganiro na Perezida wa Komite Olempike y’u Rwanda, Uwayo na Minisitiri wa Siporo, Munyangaju

Mbere yu gusoza uruzinduko rwe, Perezida wa FINA, Dr. Husain Al Musallam  kuri uyu wa Kane taliki 17 Werurwe 2022 arasura Urwibutso rwa Jenoside yakorewe Abatutsi rwa Kigali ku Gisozi nyuma akurikirane imyiyereko y’umukino wo Koga aho iza kubera muri Green Hills Academy i Nyarutarama.

Perezida wa FINA, Dr. Husain Al Musallam

Muri uru ruzinduko, Perezida wa FINA, Dr. Husain Al-Musallam ari kumwe n’Umunyamabanga Nshingwabikorwa muri FINA, Brent Nowicki n’abandi bayobozi b’uyu mukino ku rwego rw’Afurika barimo, Perezida w’impuzamashyirahamwe y’umukino wo Koga  muri Afurika “CANA”,  Dr Sam Ramsamy n’Umuyobozi w’Akarere ka 3, Dr Donald Rukare.

Hari kandi  umunyabigwi ukomoka mu Buholandi wanitabiriye imikino Olempike, Ranomi Kromowidjojo wegukanye imidali 39  ku rwego mpuzamahanga akaba ari kumwe n’umugabo we Ferry Weertman na we ukomoka mu Buholandi akaba akina umukino wo Koga.

Amafoto:

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27