Perezida Kagame yashimye Arsenal yageze muri ½ cya Champions League

Perezida Kagame yashimye Arsenal yageze muri ½ cya Champions League

Perezida Paul Kagame yashimishijwe n’intambwe Arsenal FC ifitanye ubufatanye n’u Rwanda binyuze muri Visit Rwanda yateye yo kugera muri ½ cya UEFA Champions League, ayifuriza kuzakomeza no mu cyiciro gikurikira.

Iyi kipe yabigezeho mu ijoro ryo ku wa Gatatu, tariki ya 15 Mata 2026, nyuma yo kunganya na Sporting CP 0-0 mu mukino wa ¼ wo kwishyura, ikayikuramo ku giteranyo cy’igitego 1-0.

Uyu mukino ukirangira Perezida Kagame yanyujije ubutumwa kuri X, avuga ko azakomeza kuyishyigikira no mu kindi cyiciro.

Ati: “Mwakoze neza mufatanyabikorwa wa Visit Rwanda ku bwo kubona itike ya ½ mu mikino ya UEFA. Tuzakomeza kubashyigikira no mu cyiciro gikurikira.”

Amakipe y’umupira w’amaguru afitanye ubufatanye n’u Rwanda mu byerekeye kwamamaza ubukerarugendo yose yabonye itike yo gukina imikino ya ½ cya UEFA Champions League ayo ni Arsenal, PSG na Atletico Madrid.

Hari kandi na Bayern Munich ifatanya n’u Rwanda mu byerekeye iterambere ry’umupira w’amaguru.

Muri ½, Arsenal FC izahura na Atletico Madrid yakuyemo FC Barcelone naho Paris Saint Germain izakina na Bayern Munich yasezereye Real Madrid ku giteranyo cy’ibitego 6-4.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27