Shampiyona y’Isi y’Amagare:  Gare ya Nyanza ya Kicukiro izimurirwa i Rebero

Shampiyona y’Isi y’Amagare:  Gare ya Nyanza ya Kicukiro izimurirwa i Rebero

Polisi y’Igihugu yatangaje ko mu gihe cya Shampiyona y’Isi y’Amagare (2025 UCI Road World Championships) u Rwanda rugiye kwakira, ibikorwa bya Gare ya Nyanza byose bizimurirwa ku musozi wa Rebero ahazwi nko kuri Canal Olempia.

Gare ya Nyanza isanzwe iri ku muhanda Kigali-Bugesera, umwe mu mihanda izakorerwamo irushanwa rya 2025 UCI Road World Championships) riteganyijwe kuba kuva ku wa 21–28 Nzeri 2025.

Mu kiganiro yagiranye na RBA, ACP Boniface Rutikanga, Umuvugizi wa Polisi y’u Rwanda, yavuze ko kwimura Gare ya Nyanza ari kimwe mu ngamba zafashwe hagamijwe umutekano n’imigendekere myiza y’irushanwa.

Yagize ati: “Kubera inzira izakorerwamo isiganwa, Gare ya Nyanza muri Kicukiro izimurirwa kuri Canal Olympia mu minsi iyo nzira izaba ikoreshwa.”

Muri ibi birori, imihanda mikuru yo muri Kigali izafungwa ku modoka zitwara abagenzi, amashuri ntazafungura, kandi abakozi benshi ba Leta bazakorera mu ngo zabo.

ACP Rutikanga yongeyeho ati: “Iri rushanwa ntabwo rigamije guhungabanya imibereho y’abatuye Kigali, kuko hazashyirwaho inzira z’inyongera. Nyuma y’irushanwa, serivisi z’ubwikorezi zizongera gusubira muri Gare ya Kicukiro.”

Ishyirahamwe  ry’umukino w’amagare ku Isi (Union Cycliste Internationale – UCI) ryemeje ko iri rushanwa rizanyuzwa kuri televiziyo mu bihugu 124, rikazerekanwa ku mashene mpuzamahanga 22. 

Televiziyo y’u Rwanda ni yo izaba iy’ibanze izindi ziyifatireho amashusho y’uko irushanwa rizaba rigenda. 

Uretse ibyo, hanitezwe umubare munini w’abazakurikirana iri rushanwa hifashishijwe ikoranabuhanga rya murandasi.

Iri rushanwa rizaba ari ubwa mbere ribereye ku Mugabane wa Afurika aho biteganyijwe ko rizakurura abarireba kuri televiziyo barenga miliyoni 330 ku Isi hose.

Nibirangira bityo, rizaba ari ryo rushanwa rikurikiwe n’abantu benshi kurusha irya 2019 ryabereye i Yorkshire mu Bwongereza ryakurikiwe n’abantu miliyoni 329.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27