U Rwanda na Bayern Munchen bemeranyije kuzamura impano z’abakiri bato

U Rwanda na Bayern Munchen bemeranyije kuzamura impano z’abakiri bato

Binyuze mu Rwego rw’Igihugu rw’Iterambere (RDB), u Rwanda rwasinyanye amasezerano y’imyaka itatu n’Ikipe ya Bayern Munich yo mu Budage agamije gushaka no kuzamara impano z’abakiri bato binyuze mu kwagura Ishuri ry’Umupira w’Amaguru ry’iyi kipe riri i Kigali.

Amasezerano hagati y’impande zombi yatangajwe kuri uyu wa Gatanu, tariki ya 8 Kanama 2025.

Umuyobozi Mukuru wa RDB Jean-Guy Afrika, yagaragaje ko intsinzi y’Ishuri rya FC Bayern riri i Kigali ari urugero rufatika rugaragaza icyo ubufatanye bwa siporo bushobora kugeraho.

Ati: “Intsinzi y’Ishuri rya FC Bayern riri i Kigali ni urugero rufatika rugaragaza icyo ubufatanye bwa siporo bushyizwe ku murongo bushobora kugeraho.

Ubu twinjiye mu cyiciro gishya, aho tugiye gushyira imbaraga mu guteza imbere siporo binyuze mu gushakisha impano, kongerera ubumenyi abatoza, no guteza imbere ibikorwaremezo bya siporo.”

Yakomeje avuga ko ubu bufatanye buzakomeza gushyikigira gahunda Leta yo kuba igicumbi cy’ubukerarugendo, ishoramari na Siporo.

Ati: “Ubufatanye bukomeje na FC Bayern buzadufasha gukomeza gushingira iterambere ry’impano z’abakinnyi ku ntego rusange dufite yo gushyira u Rwanda ku rwego mpuzamahanga mu bijyanye kuba igicumbi cy’ubukerarugendo, ishoramari na siporo.”

Umuyobozi Mukuru wa Bayern Muchen Jan-Christian Dreesen, yavuze ko bahisemo kwagura amasezerano y’ubufatanye ajyanye n’ubucuruzi mu rwego guteza imbere z’impano z’abakiri kuko ari zo intego bafite muri Afurika. 

Ati: “Twahisemo guhindura ubufatanye bwari bushingiye ku bucuruzi tujya no muri gahunda yo guteza imbere impano, binyuze mu kwagura Ishuri rya FC Bayern riri i Kigali. Ibi byose bijyana neza n’intego yacu y’igihe kirekire yo guteza imbere impano z’abakinnyi ku mugabane wa Afurika.”

U Rwanda rusanzwe rufitanye amasezerano n’Ikipe ya Bayern Munich yo mu Budage kugeza 2028, aho imenyekanisha ubukerarugendo bwarwo binyuze mu kurwamamaza muri Sitade yayo ya Allianz Arena yakira abantu 75.024.

Mu ntagiriro z’Ukwezi kwa Nyakanga uyu mwaka, Abanyarwanda babiri Ndayishimiye Barthazar na David Okoce batoranyijwe mu ikipe y’abatarengeje imyaka 19 ya Bayern Munchen izakoresha mu mwaka utaha w’imikino wa 2025/26.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27