Minisitiri w’Intebe Ngirente yaganiriye n’itsinda rya Benfica na TFEP

Minisitiri w’Intebe Ngirente yaganiriye n’itsinda rya Benfica na TFEP

Minisitiri w’Intebe, Dr. Edouard Ngirente, yakiriye itsinda riturutse mu ikipe ya SL Benfica yo muri Portugal hamwe na Tony Football Excellence Program mu Rwanda, bagirana ibiganiro byibanze ku gushimangira ubufatanye mu rwego rwo kuzamura impano z’abato mu mupira w’amaguru no guteza imbere siporo muri rusange. 

Ibi biganiro byabaye ku gicamunsi cyo kuri uyu 10 Kamena 2025, nk’uko bytangajwe n’ibiro bya Minisitiri w’Intebe.

Itangazo ryagiraga riti “Ku gicamunsi, Minisitiri w’Intebe Dr. Ngirente Edouard yagiranye ibiganiro n’itsinda rya Benfica hamwe na Tony Football Excellence Program mu Rwanda, ku gushimangira ubufatanye mu rwego rwo guteza imbere siporo muri rusange no kuzamura impano z’abato mu mupira w’amaguru.”

Irerero rya Tony Football Excellence Programme (TFEP) ryatangiye gukorera mu Rwanda mu kwezi k’Ukwakira 2022, ryiyemeje kuzamura impano z’abakina ruhago mu gihugu, by’umwihariko rihereye mu Turere twa Musanze na Burera.

Iri rerero ryatangiye kubaka ikibuga icy’ubwatsi bw’ubukorano buzwi nka “Tapis Synthétique”, aho kizagira uruhare mu kuzamura impano z’abakiri bato babarizwa muri TFEP no mu gace giherereyemo.

Muri gahunda za Tony Football Excellence Programme harimo ko kizaboneka byibuze muri Kamena uyu mwaka. Ni mu gihe imirimo yo kucyubaka yatangiye muri Mutarama.

Irerero rya Tony Football Excellence Programme rifite ikipe ikina muri Shampiyona y’Abatarengeje imyaka 20 n’indi ikina Shampiyona y’Abatarengeje imyaka 17 ku rwego rw’igihugu.

Impande zombi zagiranye ibiganiro ku gushimangira ubufatanye mu guteza imbere siporo no kuzamura impano z’abato mu mupira w’amaguru
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27