BAL 2025: Minisitiri Mukazayire yijeje APR BBC ubufasha busesuye

BAL 2025: Minisitiri Mukazayire yijeje APR BBC ubufasha busesuye

Minisitiri wa Siporo, Nelly Mukazayise, yijeje abakinnyi ba APR BBC ubufasha busesuye mu mukino y’irushanwa rya Basketball Africa League (BAL) iteganyijwe kubera muri BK Arena kuva tariki ya 17 Gicurasi 2025.

Yabikomojeho kuri uyu wa Gatanu, tariki ya 9 Gicurasi 2025, ubwo yasuraga abakinnyi mu myitozo.

Yagize ati: “Ubutumwa dufite uyu munsi ni ukubabwira ko tubari inyuma byuzuye, tubashyigikiye mu buryo bwose. Dufitiye icyizere impano zanyu, mufite ubushake n’umuhate, kandi ni yo mpamvu mwageze hano kandi turabyizera.”

Minisitiri Mukazayire yakomeje asaba abakinnyi kugira ishyaka ryo gutsinda batanga imbaraga zabo zose.

Ati: “Nk’Abanyarwanda ntabwo biba ari umukino wa basketball gusa ni icyerekezo twihaye ntabwo tugiye gusa gutsinda nk’abakinnyi bafite impano, ahubwo tujyanye ubutumwa ku Isi hose ko ibintu bishoboka.”

Iyi mikino ya Nile Conference izabera i Kigali, tariki ya 17 Gicurasi kugeza ku ya 25 Gicurasi 2025 muri BK Arena.

Muri iri tsinda, APR BBC izahatana na Al Ahli Tripoli yo muri Libya, Made by Basketball (MBB) yo muri Afurika y’Epfo ndetse na Nairobi City Thunder yo muri Kenya.

Mu mwaka ushize, Ikipe y’Ingabo yitwaye nabi cyane muri iri rushanwa, inanirwa kugera mu mikino ya nyuma yabereye i Kigali ariko kuri iyi nshuro intego ari ukwisubiraho ikazagera kure hashoboka.

Imikino ya nyuma izabera muri Afurika y’Epfo tariki ya 6 kugeza ku wa 14 Kamena 2024, amakipe umunani akina imikino yo gutondeka urutonde, mbere yo gutangira gukuranwamo muri ¼, ½ ndetse n’umukino wa nyuma.

Irushanwa riheruka ryegukanywe na Petro de Luanda yo muri Angola, iba ikipe ya mbere yo munsi y’ubutayu bwa Sahara iryegukanye kuva ryatangira gukinwa mu 2020.

Minisitiri wa Siporo, Nelly Mukazayire, yijeje abakinnyi ba APR BBC ubufasha busesuye muri BAL
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27