Perezida Kagame yatangije Tour du Rwanda 2025 (Amafoto)

Perezida Kagame yatangije Tour du Rwanda 2025 (Amafoto)

Perezida wa Repubulika Paul Kagame ari kumwe na Perezida wa UCI David Lappartient, batangije ku mugaragaro isiganwa ry’amagare rizenguruka igihugu Tour du Rwanda 2025.

Kuri iki Cyumweru tariki ya 23 Gashyantare 2025, ni bwo hatangiye irushanwa rya Tour du Rwanda rizenguruka igihugu ku nshuro ya 17 kuva ribaye Mpuzamahanga mu gihe ari inshuro ya karindwi kuva rigiye ku rwego rwa 2.1.

Abakinnyi 69 bo mu makipe 14, barimo 39 bo muri Afurika, 26 b’i Burayi, 3 bo muri Aziya Asia na Oceania n’umwe wo muri Amerika, ni bo batangiye iri rushanwa rizamara iminsi umunani.

Kuri uyu munsi wa mbere, harakinywe ‘Prologue’ ireshya n’ibilometero 4,1 bitangiriye kuri BK Arena isozezwa kuri Sitade Amahoro abakinnyi basiganwa n’ibihe ku giti cyabo ibizwi nka “Individual Time Trial”.

Mbere y’uko Tour du Rwanda 2025 itangira, Perezida wa UCI David Lappartient, ari hamwe n’abandi bayobozi bo muri UCI barimo Jacques Landry uyobora UCI Satellite yo muri Afurika y’Epfo, batangije ikigo cyo guteza imbere umukino w’amagare mu Rwanda.

Hatangijwe kandi gahunda yo guteza imbere umukino w’amagare mu mpunzi.

Sangiza abandi iyi nkuru
Ibitekerezo 1
alphonsi

Andika Igitekerezo hano Twabyishmiye

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27