Sudani y’Epfo: Ingabo z’u Rwanda muri UNMISS zigishije abangavu kwirwanaho 

Sudani y’Epfo: Ingabo z’u Rwanda muri UNMISS zigishije abangavu kwirwanaho 

Ingabo z’u Rwanda zoherejwe mu butumwa bw’Umuryango w’Abibumbye bwo kubungabunga amahoro muri Sudani y’Epfo (UNMISS) bongereye ubumenyi bwo kwitabara abangavu biga mu Ishuri Ribanza rya Malakia muri Makakal. 

Abana b’abakobwa bahawe ubwo bumenyi bujyanjye n’imyitozo njyarugamba yo kwirwanaho bugarijwe ni 60, muri gahunda yo kubongererera ubushobozi bwo kwirinda mu bihe bigoye no kwigirira icyizere. 

Chol Nyok, Umuyobozi w’Ishuri Ribanza rya Malakia, yashimiye Ingabo z’u Rwanda kuri ubwo bufasha babahaye. 

Yagize ati: “Twafashe umwanzuro

wo gusaba abasirikare b’u Rwanda bari mu butumwa bw’amahoro kudufasha bakatwongerera ubu bumenyi kubera ko twabonye ari ingenzi kuba abakobwa bacu bagira ubushobozi bwo kwirwanaho. Turashaka ko bakura bifitiye icyizere kandi batekanye.”

Lt Col Simon Kabera, Umuvugizi wungirije w’Ingabo z’u Rwanda, yashimangiye akamaro k’iyo gahunda agaragaza ko badatoza abantu kurwana ahubwo babatoza kwirwanaho mu bihe by’amage. 

Ati: “Ntabwo dutoza abantu kujya kurwana; tubatoza kwirwanaho. Turi ibihugu by’abavandimwe kandi ni inshingano zacu gufashanya mu guhanga ikirere gitekanye kuri bose by’umwihariko ku rubyiruko rwo hazaza h’iki gihugu.”

Amahugurwa yahawe abo bangavu arimo inyitozo na tekiniki njyarugamba yihariye mu gushimangira umutekano wizewe w’abana b’abakobwa bakunze kwibasirwa n’abashaka kubagirira nabi. 

Iyo gahunda ishimangira ukwiyemeza k’u Rwanda mu kwimakaza amahoro n’umutekano mu Gihugu no hanze y’imipaka yarwo. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27