Volleyball:  Mu mikino y’Afurika, APR VC yatsinze umukino wa kabiri, RRA VC iratsindwa

Volleyball:  Mu mikino y’Afurika, APR VC yatsinze umukino wa kabiri, RRA VC iratsindwa

CNS 0-3 APR VC

FAP 3-1 RRA VC

Taliki 24-05-2022

APR VC-Prison (13h00)

RRA VC- CO Kelibia (19h00)

Mu mikino y’umunsi wa kabiri mu irushanwa ry’Afurika ry’amakipe yabaye aya mbere iwayo mu bagore  « African Women’s Volleyball Club Championship 2022 », ikipe ya APR VC yitwaye neza itsinda ikipe ya Chief of Naval Staff yo muri Nigeria naho RRA VC itsindwa na FAP yo muri Cameroun.

Ikipe ya APR VC yitwaye neza itsinda CNS amaseti 3-0 (25-16, 25-14 na 25-22). Uyu wari umukino wa kabiri mu itsinda C kuko umukino wa mbere APR VC yari yatsinze ikipe ya National Alcohol and Liquor yo muri Ethiopia amaseti 3-0 (25-20, 25-19 na 25-16).

Ku rundi ruhande, ikipe ya RRA VC yatsinzwe na FAP yo muri Cameroun amaseti 3-1 (25-21, 25-15, 18-25 na 25-17). Ikipe ya RRA VC yari yatsinze ku mukino wa  mbere ikipe ya VC La Loi yo muri RDC amaseti 3-0 (26-24,25-21 na 25-18).

Harasozwa imikino yo mu matsinda

Kuri uyu wa Kabiri taliki 24 Gicurasi 2022 ni bwo hasozwa imikino y’amajonjora mu matsinda. Ikipe ya APR VC irakina na Prison yo muri Kenya (13h00) naho ikipe ya RRA VC ikine na CO Kelibia yo muri Tunisia (19h00).

Biteganyijwe ko taliki 25 Gicurasi 2022 hazaba umunsi w’ikiruhuko ubundi taliki 26 Gicurasi 2022 hakaba imikino ya 1/8.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27