Volleyball: Ikipe ya REG VC na APR VC zikomeje kuyobora urutonde rwa shampiyona

Nyuma y’imikino y’umunsi wa 5 “Phase 5” yabaye taliki 03 na 04 Ukuboza  2022, ikipe ya REG VC mu bagabo na APR VC mu bagore ni zo zikomeje kuyobora urutonde by’agateganyo muri  shampiyona y’icyiciro cya mbere muri Volleyball “Rwanda National Volleyball League 2022-2023”.

Mu bagabo, imikino y’amajonjora yabereye mu Busanza mu Mudugudu wa “Rwanco” aho ikipe ya REG VC yatsinze KVC amaseti 3-0 (25-14,25-14 na 25-17), Gisagara VC yatsinze IPRC Musanze VC amaseti 3-0 (25-16,25-19 na 25-22), ForeFront VC yatsinze Kirehe VC amaseti 3-0 (25-19, 26-24 na 25-14) naho ikipe ya APR VC itsinda IPRC Ngoma VC amaseti 3-1 (25-20, 25-22, 17-25  na 25-16).

Mu mikino ya ½ cy’irangiza, ikipe ya REG VC yatsinze ForeFront VC amaseti 3-1 (25-22, 23-25, 25-22 na 25-12) naho ikipe ya Gisagara VC itsinda APR VC amaseti 3-1 (25-21, 25-22, -25 na 25-20).

 Mu guhatanira umwanya wa 3, ikipe ya APR VC yatsinze ForeFront VC amaseti 3-1 naho ikipe ya REG VC yegukana umwanya wa mbere itsinze Gisagara VC amaseti 3-0 (25-21, 25-22 na 25-18).

Agace ka 5  karangiye ikipe ya REG VC iyoboye n’amanota 8, Gisagara VC (7), APR VC (6), ForeFront VC (5), IPRC Ngoma (4), Kirehe VC (3), IPRC Musanze VC (2) na KVC (1).

Muri rusange, ikipe ya REG VC imaze kwegukana uduce dutatu yikurikiranya ubu iyoboye urutonde  n’amanota 37,  Gisagara VC iri ku mwanya wa kabiri n’amanota  (34), APR VC (29), ForeFront VC (28), IPRC Ngoma VC (20), Kirehe VC (15), IPRC Musanze VC (12) na KVC (05).

Mu bagore, APR VC  yitwaye neza ikomeza kuyobora urutonde

Mu bagore, imikino y’amajonjora yabereye Kimisagara aho ikipe ya ForeFront VC yatsinze  St Bernadette VC  amaseti 3-0 (25-5, 25-10  na 25-12), RRA VC yatsinze IPRC Kigali VC amaseti 3-0 (25-19, 25-19 na 25-17) naho ikipe ya Ruhango VC itsinda IPRC Huye VC amaseti 3-0 (25-16, 25-16 na 25-19). Ikipe ya APR VC nta bwo yakinnye imikino y’amajonjora.

Mu mikino ya ½ cy’irangiza, APR VC yatsinze RRA VC amaeti 3-2 (23-25, 25-21, 11-25, 25-17 na 15-10) naho ikipe ya ForeFront VC itsinda Ruhango VC amaseti 3-0 (25-20, 25-15 na 25-13).

Mu guhatanira umwanya wa 3, ikipe ya RRA VC yatsinze Ruhango VC amaseti 3-0  naho mu guhatanira umwanya wa mbere, ikipe ya APR  VC itsinda ForeFront VC amaseti 3-1 (25-14, 26-24, 16-25 na 25-22).

Ikipe ya APR  VC yasoje iyoboye agace ka 5   n’amanota 7 ikurikirwa na ForeFront VC (6), RRA VC (5), Ruhango VC (4), IPRC Huye VC (3), IPRC Kigali VC (2) na St Bernadette VC (1).

Muri rusange nyuma y’uduce 5, ikipe ya APR VC ni yo iyoboye n’amanota 35, ikurikiwe na ForeFront VC (30), RRA VC (25), Ruhango VC (19), IPRC Huye VC (13), IPRC Kigali VC (9) na St Bernadette VC (5).

Imikino  y’umunsi wa 6 “Phase 6” izabera mu Karere ka Ruhango  taliki 17 na 18 Ukuboza 2022.