Volleyball: Ikipe ya REG VC na APR VC zegukanye igikombe cya shampiyona

Ikipe ya REG VC mu bagabo na APR VC mu bagore ni zo zegukanye igikombe cya shampiyona  y’icyiciro cya mbere mu mukino wa  Volleyball, umwaka wa 2022-2023 “Rwanda National Volleyball League 2022-2023”.

Taliki 21 na 22 Mutarama 2023 ni bwo habaye imikino y’umunsi wa nyuma wa 8 “Phase 8” yabereye mu Mujyi wa Kigali.

Mu bagabo, imikino y’amajonjora yabaye, ikipe ya REG VC yatsinze KVC amaseti 3-0 (25-18, 25-20 na 25-18), Gisagara VC itsinda IPRC Musanze VC amaseti 3-1 (25-20, 19-25, 25-11 na 25-21),  APR VC itsinda Kirehe VC amaseti 3-0 (25-18, 25-19 na 25-16) naho ForeFront VC itsindwa  na IPRC Ngoma VC amaseti 3-2 (25-19,15-25,30-32,25-12 na 15-13).

Mu mikino ya  ½ cy’irangiza, ikipe ya Gisagara VC yatsinze IPRC Ngoma VC amaseti  3-0 (25-20, 25-16 na 25-16) naho ikipe ya REG VC itsinda  APR VC amaseti 3-1 (25-18, 17-25, 25-19 na 25-18).

Ikipe ya Gisagara VC yegukanye agace ka 8 “Phase 8” itsinze  REG VC amaseti 3-1 (25-20, 18-25, 25-18 na 29-27).

Iyi kipe ya Gisagara VC yasoje iyoboye n’amanota 8, REG VC (7), APR VC (6), IPRC Ngoma VC (5), ForeFront VC (4), KVC (3), Kirehe VC (2) na IPRC Musanze VC (1).

Muri rusange ikipe ya REG VC yegukanye igikombe nyuma gusoreza ku mwanya wa mbere n’amanota 57 aho yegukanye uduce 4  naho Gisagara VC iza ku mwanya wa 2 nayo n’amanota 57 ariko yatsinze uduce 3. Ku mwanya wa 3 haje APR VC (47), ForeFront VC (44), IPRC Ngoma VC (31), Kirehe VC (25), IPRC Musanze VC (16) na KVC (11).

Ikipe ya REG VC yahawe igikombe na sheki ya miliyoni 2 z’amafaranga y’u Rwanda. Ikipe ya Gisagara VC yahawe miliyoni 1,5  naho APR VC ihabwa miliyoni 1.

Mu bagore, APR VC ni yo yegukanye igikombe 

Mu bagore, mu mikino y’amajonjora,  ikipe ya ForeFront VC yatsinze S^t Bernadette VC amaseti 3-0 (25-03, 25-09 na 25-04), RRA VC itsinda IPRC Kigali VC amaseti 3-0 (25-21,25-14 na 25-11) naho Ruhango VC itsinda IPRC Huye VC amaseti 3-0 (25-2, 25-16 na 25-18).

Mu mikino ya ½ cy’irangiza, ikipe ya ForeFront VC yatsinze Ruhango VC amaseti 3-0 (25-15,25-16 na 25-14) naho ikipe ya RRA VC itsinda APR VC amaseti 3-2 (25-11,13-25,25-22,19-25 na 18-16).

Umukino  wa nyuma  ikipe ya ForeFront VC yatsinze RRA VC amaseti 3-1 (18-25, 25-20, 25-19 na 25-19).

Iyi kipe ya ForeFront VC yegukanye agace ka 8 n’amanota 7, ikurikirwa na RRA VC (6), APR VC (5), Ruhango VC (4), IPRC Kigali VC (3), IPRC Huye VC (2) na S^t Bernadette VC (1).

Muri rusange, APR VC ni yo yegukanye igikombe  aho yasoje ifite amanota 54 yegukanye uduce 7, yakurikiwe na ForeFront VC (49), RRA VC (41), Ruhango VC (31), IPRC Huye VC (19), IPRC Kigali VC (18) na S^t Bernadette VC (6).

Ikipe ya APR VC yahawe igikombe na sheki ya miliyoni 2, ForeFront VC yahawe miliyoni 1,5 naho ikipe ya RRA VC ihabwa miliyoni 1.