Volleyball: Ikipe ya Gisagara VC na UVC zegukanye irushanwa ryo Kwibuka Rutsindura

Volleyball: Ikipe ya Gisagara VC na UVC zegukanye irushanwa ryo Kwibuka Rutsindura
Ikipe ya Gisagara VC

Ikipe ya Gisagara VC mu bagabo  na  UVC mu bagore ni zo zegukanye irushanwa  ryo kwibuka Rutsindura Alphonse wari umwarimu akaba n’umutoza wa Volleyball  muri Petit Seminaire Virgo Fidelis ku Karubanda  (PSVF) wishwe muri Jenoside yakorewe Ababutsi mu 1994 

Iri rushanwa “Memorial Rutsindura 2022” ryakinwe taliki 18 na19 Kamena 2022  ryari ribaye ku nshuro ya 18 ritegurwa n’ubuyobozi bw’ikigo ndetse n’ihuriro ry’abahize “ASEVIF”.

Muri uyu mwaka wa 2022 ryakinwe mu byiciro bitandukanye harimo icyiciro cy’abakanyujijeho mu bagabo, icyiciro cy’amashuri yisumbuye mu bahungu ndetse n’icyiciro cy’amakipe y’abagabo n’abagore akina shampiyona y’icyiciro cya mbere.

Mu bagabo, ikipe ya Gisagara VC yegukanye igikombe itsinze ku mukino wa nyuma ikipe ya REG VC amaseti 3-2 (21-25, 25-15,17-25,25-23 na 15-13).

Ikipe ya Gisagara VC ni ubwa mbere yegukanye iki gikombe mu gihe REG VC yari imaze imyaka 3 iheruka ari yo igitwara (2017,2018 na 2019).

Mu bagore, ikipe ya UVC ni yo yegukanye igikombe itsinze  APR VC amaseti 3-1.

Ikipe ya UVC yegukanye igikombe mu bagore

Mu mikino y’amashuri yisumbuye, ikipe ya Christ Roi yegukanye  igikombe itsinze ku mukino wa nyuma ikipe ya PSVF amaseti 3-2 .

Ikipe ya Christ Roi

Mu cyiciro cy’amashuri abanza, GS Kigeme  yegukanye igikombe itsinze  EP  Mugombwa naho mu cyiciro rusange cy’amashuri yisumbuye, GSO Butare yegukanye igikombe itsinze PSVF amaseti 3-0.

Mu bakanyujijeho, ikipe ya Relax yegukanye igikombe itsinze Umucyo ku mukino wa nyuma amaseti 3-2.

Ikipe ya Relax mu bakanyujijeho

Rutsindura Alphonse wibukwa yabaye umwarimu muri PS, yatoje Volleyball muri PSVF, atoza   ikipe y’igihugu y’abagore ndetse na Rayon Sports VC.  Rutsindura kandi yanabaye Visi Perezida w’ishyirahamwe ry’umukino waVolleyball mu Rwanda “FRVB”.

Rutsindura Alponse (inyuma) ari kumwe n’ikipe y’igihugu y’abakobwa yatozaga mbere y’uko yicwa muri Jenoside yakorewe Abatutsi mu 1994
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27