Volleyball: Gisubizo wakubise umutoza we yahagaritswe umwaka umwe

Volleyball: Gisubizo wakubise umutoza we yahagaritswe umwaka umwe

Gisubizo Merci ukinira APR Volleyball Club wakubise umutoza we umutwe akamuvusha amaraso yahagaritswe umwaka umwe adakina kubera imyitwarire mibi yagaragaje.

Iyi myitwarire mibi yabaye ku wa 18 Ugushyingo 2023 mu mukino APR VC yatsinzwemo na Police VC muri ½ cya ‘Zone V Club Championship 2023’, Gisubizo yakubise umutwe ku zuru umutoza we wungirije, Rwanyonga Mathieu amuvusha amaraso.

Ku wa Gatanu tariki 24 Ugushyingo 2023 ni bwo Ubuyobozi bw’Ishyirahamwe ry’umukino wa Volleyball mu Rwanda FRVB  bwamushyikirije ibaruwa imuhagarika mu bikorwa byose bya Volleyball mu gihe cy’umwaka umwe.

Muri iyi baruwa Imvaho Nshya ifitiye kopi iri shyirahamwe rivuga ko imyitwarire idahwitse uyu mukinnyi yagaragaje mu bihe bitandukanye ari yo yatumye ahagarikwa umwaka wose.

Rigira riti “Hashingiwe ku myitwarire idahwitse wagaragaje kuva umwaka ushize haba mu ikipe y’igihugu y’ingimbi yitabiriye amarushwa nyafurika muri Tunisia mu kwezi kwa Kanama 2022, no gukubita umutoza Rwanyonga Mathieu mu irushanwa rya zone V Club championship ku mukino wahuje APR VC na Police VC muri kimwe cya kabiri muri BK Arena tariki 18 Ugushyingo 2023.

“Uhagaritswe mu bikorwa byose bya Volleyball mu Rwanda mu gihe cy’umwaka umwe”.

Iri tangazo rikomeza rivuga ko ibihano yafatiwe bitangira gukurikizwa bikazarangira ku ya 23 Ugushyingo 2024.

Gisubizo Merci yaje muri APR Volleyball Club mu 2021 avuye muri Don Bosco Gatenga.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27