Volleyball: Gisagara VC irakina na CO Kelibia muri ¼  mu mikino y’Afurika

Volleyball: Gisagara VC irakina na CO Kelibia muri ¼  mu mikino y’Afurika
Ikipe ya Gisagara VC

Gisagara VC- CO Kelibia (19h00)

Ikipe ya Gisagara VC  ihagarariye u Rwanda mu mikino y’Afurika y’amakipe yabaye aya mbere iwayo mu bagabo  “Men’s African Volleyball Clubs Championship 2022” irimo kubera muri Tunisia yitwaye neza igera muri ¼ cy’irangiza.

Iyi kipe yari mu itsinda D hamwe Nigeria Customs (Nigeria), Port de Douala (Cameroun) na Equity Bank (Kenya). Ikipe ya Gisagara VC yitwaye neza itsinda Port de Douala amaseti 3-1 (25-18, 20-25, 25-21 na 31-29), itsinda Equity Bank amaseti 3-1 (25-18, 22-25, 25-15 na 25-18) inatsinda Nigeria Customs amaseti 3-2 (20-25,25-16,24-26,25-17 na 15-13).

Nyuma yo gusoza iyoboye itsinda D, Gisagara VC muri 1/8  yagombaga gukina n’ikipe ya 4 mu itsinda B  gusa ryari ririmo amakipe 3 kuko irushanwa muri rusange ryitabiriwe n’amakipe 14. Ikipe rero yahise ikomeza muri ¼ cy’irangiza itegereza ikipe ikomeza hagati ya  CO Kelibia yo muri Tunisia na AS INJS (Cote d’Ivoire).

Ku wa Gatanu  taliki 13 Gicurasi 2022 ni bwo hakinwe imikino ya 1/8 aho  Esperance de Tunis yatsinze Equity Bank (Kenya ) amaseti 3-0 (25-11, 25-11 na 25-18). Ikipe ya CO Kelibia  yatsinze AS INJS (Cote d’Ivoire) amaseti 3-1 (25-15, 25-19, 25-27 na 25-19). Ikipe ya Al Ahly yo mu Misiri yatsinze  Madda Walabu University  (Ethiopia)  amaseti 3-0 (25-12, 25-7 na  25-13) .

Ikipe ya  Nigeria Customs yatsinze Wollaita Dicha (Ethiopia) amaseti 3-0 (25-23, 25-13 na 25-22). Ikipe ya  Port Douala  yo muri Cameroun yatsinze  AS Douanes (Burkina Faso) amaseti  3-1 (25-17, 23-25, 25-14 na 25-22) naho FAP  yo muri Cameroun  itsinda VC Espoir (RDC) amaseti  3-1 (25-20, 25-21, 22-25, na 25-22).

Kuri uyu wa Gatandatu taliki 14 Gicurasi 2022 hateganyijwe imikino ya ¼ cy’irangiza aho ikipe ya Gisagara VC ikina na CO Kelibia yo muri Tunisia saa kumi n’ebyiri (18h00) akaba ari saa  moya mu Rwanda (19h00).

Ikipe ya Gisagara VC niyitwara neza igakomeza muri ½ izahura n’ikipe itsinda hagati ya Esperance de Tunis (Tunisia) ifite igikombe giheruka na FAP yo muri Cameroun.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27