Valens Uwineza yagizwe Umunyamabanga Mukuru wa RALGA

Valens Uwineza yagizwe Umunyamabanga Mukuru wa RALGA

Valens Uwineza yagizwe Umunyamabanga Mukuru w’Ishyirahamwe rihuza Inzego z’Ibanze n’Umujyi wa Kigali (RALGA) asimbuye Dominique Habimana uherutse kugirwa Minisitiri w’Ubutegetsi bw’Igihugu.

Yemejwe mu Nama y’Inteko Rusange idasanzwe yateranye kuri uyu wa Kane, tariki ya 16 Ukwakira 2025, hifashishijwe ikoranabuhanga.

Minisitiri w’Ubutegetsi bw’Igihugu, Dominique Habimana yasabye RALGA gukomeza guhanga uburyo bushya buzayifasha gusohoza inshingano ifite zo kubakira ubushobozi Inzego z’ibanze, kuzikorera ubuvugizi no kuzihagararira aho bibaye ngombwa, cyane cyane ko n’ibisabwa bigenda bihinduka.

Ati: “Hari byinshi RALGA yakoze mu kubaka ubushobozi bw’Inzego z’ibanze tuyishimira. Turashimira kandi uruhare RALGA ikomeje kugira mu guharanira ko ijwi ry’Inzego z’ibanze ryumvikana mu ruhando mpuzamahana.”

Yongeyeho ati: “Turifuza ko RALGA izakomeza kuba umuyoboro uhamye watuma Inzego z’ibanze ziyubaka zigakomera, zigakora neza, kandi zigatanga serivisi nziza, bikazamura ibipimo by’uko abaturage bishimira serivisi bahabwa n’uruhare bagira mu igenamigambi n’ibibakorerwa.”

Uwineza yabaye Umuyobozi w’Ibiro by’Umukuru w’Igihugu kuva mu Ukuboza 2023 kugeza muri Nzeri 2025.

Valens Uwineza aramukanya na Dominique Habimana asimbuye kuri uyu mwanya
Minisitiri w’Ubutegetsi bw’Igihugu, Dominique Habimana yasabye RALGA gukomeza guhanga uburyo bushya buzayifasha gusohoza inshingano zayo
Valens Uwineza yagizwe Umunyamabanga Mukuru wa RALGA
Inteko Rusange idasanzwe ya RALGA yateranye hifashishijwe ikoranabuhanga
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27