Umushyikirano 19: Perezida Kagame agiye kuganira n’Abanyarwanda ku mibereho y’Igihugu

Umushyikirano 19: Perezida Kagame agiye kuganira n’Abanyarwanda ku mibereho y’Igihugu

Kuri uyu wa Kabiri tariki 23 Mutarama 2024, Abanyarwanda mu ngeri zitandukanye 1500 bateraniye muri Kigali Convention Center ahabera Inama y’Igihugu y’Umushyikirano ku nshuro ya 19, ikurikiwe n’Abanyarwanda batagira ingano bifashishije itangazamakuru n’imbuga nkoranyambaga.

Ni inama ikurikirwa no kuri site ziri hirya no hino mu gihugu ndetse n’izihurije hamwe Abanyarwanda batuye mu mahanga.

Mu kanya Perezida Paul Kagame mu gutangiza Umushyikirano, arageza ku Banyarwanda ijambo rigaragaza uko igihugu gihagaze.

Ni mu gihe Minisitiri w’Intebe, Dr Edouard Ngirente ageza ku bitabiriye Inama y’Igihugu y’Umushyikirano aho ishyirwa mu bikorwa rya Gahunda ya Guverinoma y’Imyaka 7 yo Kwihutisha Iterambere (NST1) igeze.

Inama y’Igihugu y’Umushyikirano y’uyu mwaka yateraniye muri Kigali Convention Center, ikaba izasozwa kuri uyu wa Gatatu rariki ya 24 Mutarama, ifatiwemo imyanzuro y’ingenzi ikomeza kuyobora icyerekezo cy’iterambere ry’u Rwanda.

Biteganyijwe ko Perezida Kagame azayobora Ibiganiro ku ngingo zitandukanye cyane cyane zirebana no gukemura ibibazo bibangamiye iterambere ry’abaturage.

Bivugwa ko ibibazo bigarukwaho bikora ku nzego zose z’ubuzima bw’Igihugu uhereye ku bukungu, ibikorwa remezo, imitangire ya serivisi za taransiporo, uburezi, ubuvuzi, ndetse n’ibindi.

Umuyobozi Mukuru wungirije w’Urwego rushinzwe Iterambere mu Rwanda (RDB) Mukazayire Nelly ni we uza kuyobora ibiganiro by’umunsi wa mbere nk’Umusangiza w’Amagambo (MC).

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27