Umugaba Mukuru w’Ingabo za Kenya ari mu Rwanda 

Umugaba Mukuru w’Ingabo za Kenya ari mu Rwanda 

Umugaba Mukuru w’Ingabo za Kenya, Gen Charles Muriu Kahariri, yatangiye uruzinduko rw’akazi mu Rwanda rugamije kunoza imikoranire mu bya gisirikare isanzwe hagati y’ibihugu byombi, no kungurana ibitekerezo mu bya gisirikare n’umutekano.

Ni uruzinduko rwatangiye kuva tariki ya 4 bikaba biteganyijwe ko ruzageza ku ya 7 Ugushyingo 2025.

Kuri uyu wa Gatatu, Gen Kahariri n’intumwa ayoboye basuye Minisiteri y’Ingabo n’Ibirindiro Bikuru by’Ingabo z’u Rwanda, yakirwa na mugenzi we w’u Rwanda, Gen. Mubarakh Muganga ndetse na Minisitiri w’Ingabo, Juvenal Marizamunda.

MINADEF yatangaje ko impande zombi zagiranye ibiganiro byibanze ku kongera gusuzuma ubutwererane buri hagati ya Kenya n’u Rwanda mu bijyanye n’igisirikare, kureba andi mahirwe y’imikoranire ahari no gusangira ibitekerezo ku bijyanye n’umutekano.

Gen Charles Muriu Kahariri kandi yagize umwanya wo gusura Urwibutso rwa Jenoside rwa Kigali, asobanurirwa aya mateka yaranze u Rwanda, ndetse aha icyubahiro abahashyinguye bazize Jenoside yakorewe Abatutsi mu 1994. 

Gen Charles Muriu Kahariri yasuye Minisiteri y’Ingabo n’Icyicaro Gikuru cy’Ingabo z’u Rwanda
Gen Charles Muriu Kahariri yagiranye ibiganiro na Minisitiri w’Ingabo, Juvenal Marizamunda
Gen Charles Muriu Kahariri yunamira abazize Jenoside yatorewe Abatutsi baruhukiye mu Urwibutso rwa Kigali
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27