U Rwanda rwohereje irindi tsinda ry’abasirikare b’abapolisi muri Mozambique 

U Rwanda rwohereje irindi tsinda ry’abasirikare b’abapolisi muri Mozambique 

Kuri uyu wa Kabiri, u Rwanda rwohereje itsinda rishya ry’abasirikare n’abapolisi mu butumwa bwo guhashya iterabwoba mu Ntara ya Cabo Delgado muri Mozambique. 

Igikorwa cyo kubasezeraho cyabereye ku Kibuga cy’Indege Mpuzamahanga cya Kigali mu muhango wayobowe n’Umugaba w’Ingabo z’u Rwanda zirwanira ku butaka Maj Gen Vincent Nyakarundi, ari kumwe n’Umuyobozi wungirije wa Polisi ushinzwe ibikorwa  Vincent B. Sano. 

Bagiye gusimbura bagenzi babo bamaze umwaka bari muri ubu butumwa mu majyaruguru ya Cabo Delgado.

Maj Gen Nyakarundi yashimangiye agaciro ko kwimakaza ikinyabupfura n’umurava wagaragajwe n’inzego z’umutekano z’u Rwanda mu myaka itanu ishize. 

DIGP Sano na we yasabye inzego z’umutenao z’u Rwanda kwimakaza ubufatanye kandi bakirinda amakosa ashobora guhindanya isura y’u Rwanda mu ruhando mpuzamahanga. 

Mu myaka itatu ishize, inzego z’umutekano z’u Rwanda zifatanyije n’iza Mozambique zageze ku kintu ntambwe ishimishije mu gusenya umutwe w’iterabwoba wa Al Sunna Wa Jama (ASWJ). 

Ibyo byihebe byirukanywe mu bice zari zarahinduye indiri mu Turere twa Mocimbao da Praia na Palma. 

Ibyo byatumye abaturage benshi bari barataye  ibyabo bongera gutahuka, ibikorwa by’iterambere birongera birasubukurwa. 

Itsinda ryerekeje muri Mozambique riyobowe na Maj. Gen. Emmy Ruvusha ugiye gusimbura Maj. Gen. Alexis Kagame. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27