U Rwanda rwanyomoje u Burundi burushinja ibitero bya gerenade 

U Rwanda rwanyomoje u Burundi burushinja ibitero bya gerenade 

Guverinoma y’u Rwanda yanyomoje u Burundi buyishinja kugira uruhare mu bitero bya gerenade zatewe mu Mujyi wa Bujumbura ku wa Gatanu tariki 10 Gicurasi 2024.

U Rwanda rwagaragaje ko hari ibitagenda mu bugaragara mu Burundi na Guverinoma yayo byihanukiriye bigashinja ibitero by’i Bujumbura. 

Umuvugizi wa Guverinoma Yolande Makolo yagize ati: “Ni ikibazo tudafite aho duhuriye na cyo mu by’ukuri, nta n’impamvu yatuma tubyivangamo. U Burundi bufitanye ikibazo n’u Rwanda, ariko twe nta kubazo dufitanye n’u Burundi.”

Guverinoma y’u Rwanda irasaba u Burundi  gukemura ibibazo byabwo by’imbere bukareka kubihuza n’u Rwanda. 

Ibitero byagabwe i Bujumbura ku wa Gatanu ni gerenade zatewe inshuro ebyiri zigakomeretsa abantu 38. 

Umubano w’u Rwanda w’u Rwanda n’u Burundi wajemo agatotsi n’ubundi icyo gihugu kirushinja gutera inkunga umutwe wa RED-Tabara ukorera mu mashyamba ya Repubulika Iharanira Demokarasi ya Congo. 

U Rwanda ruvuga ko ibyo birego bidafite ishingiro kuko rudashobora kwifatanya n’imitwe yitwaje intwaro iyo ari yo yose mu gihe rutanga umusanzu mu kubungabunga amahoro ku Isi. 

Minisiteri y’Umutekano y’u Burundi yatantaje ko ibitero byo ku wa Gatanu byabaye ahagana saa kumi n’imwe, nta wapfuye ariko abantu batanu muri 38 bakomeretse cyane ariko abari ahabereye ibyo byago bemeza ko hari batatu baba babuze ubuzima. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27