U Rwanda rwakiriye imiryango isaga 100 ivuye muri RDC

U Rwanda rwakiriye imiryango isaga 100 ivuye muri RDC

Kuri uyu wa Gatatu, tariki 24 Nzeri 2025, u Rwanda rwakiriye imiryango 101 y’Abanyarwanda igizwe n’abantu 314, yatahutse ivuye muri Repubulika Iharanira Demokarasi ya Congo (RDC) inyura ku mupaka wa Grande Barrière mu Karere ka Rubavu.

Abo baturage, biganjemo abagore n’abana, bakiriwe n’abayobozi b’u Rwanda ndetse n’Ishami ry’Umuryango w’Abibumbye ryita ku Mpunzi (UNHCR).

Bamwe mu bagize iryo tsinda ni bwo bwa mbere bari bageze mu Rwanda, aho bamwe bari bamaze imyaka irenga 30 basiragira mu mashyamba ya Congo.

Bavuze ko abarwanyi b’umutwe w’iterabwoba FDLR, umutwe washinzwe n’abasize bakoze Jenoside yakorewe Abatutsi mu 1994, ari bo bari babafashe bugwate ngo batabasha kuva mu mashyamba ya Congo, babatera ubwoba cyangwa bababeshya ko u Rwanda rutekanye.

Icyo gikorwa cyo gutaha gishingiye ku masezerano yo gukomeza gucyura impunzi, yemejwe mu nama yabereye i Addis Abeba muri Kamena, yahuje u Rwanda, RDC na UNHCR ku bijyanye no gucyura ku bushake impunzi.

Nyuma yo kugera mu Rwanda, abo batahutse bajyanywe mu kigo cya Nyarushishi giherereye mu Karere ka Rusizi aho bazabanza kwakirirwa by’agateganyo mbere yo gusubizwa mu miryango yabo.

Icyo gikorwa cyo gutaha kwabo cyiyongera ku bandi barenga 4,000 bamaze gutahuka bavuye muri RDC kuva muri Mutarama 2025, bituma umubare w’abamaze gutahuka kuva mu 1994 ugera kuri miliyoni 3.5, nk’uko Minisiteri ishinzwe Ibikorwa by’Ubutabazi (MINEMA) ibitangaza.

Abatahutse biganjemo abagore n’abana, abenshi ni ubwa mbere bari bageze mu Rwanda
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27