U Rwanda rugiye kohereza abandi basirikare n’abapolisi muri Mozambique

U Rwanda rugiye kohereza abandi basirikare n’abapolisi muri Mozambique

Minisiteri y’Ingabo mu Rwanda yatangaje ko hagiye koherezwa izindi ngabo n’abapolisi mu bikorwa byo guhangana n’ibyihebe no kugarura amahoro mu Ntara ya Cabo Delgado muri Mozambique.

Urubuga rwa Minisiteri y’Ingabo ruragaragaza ko abasirikare n’abapolisi bari kwitegura kujya mu butumwa bwo kugarura amahoro muri Cabo Delgado bahawe impanuro zemeza ubwo butumwa kuri uyu wa 13 Werurwe 2026.

Umugaba w’Ingabo z’u Rwanda (RDF) zirwanira ku butaka, Maj. Gen. Nyakarundi Vincent yibukije izo ngabo n’abapolisi ko inshingano zabo ari ukurinda abasivili ibikorwa by’iterabwoba, anabasaba kuzaba intumwa nziza z’u Rwanda.

Yabasabye kandi kurangwa no kugira imyitwarire myiza, gukorera hamwe no gukora kinyamwuga, abashishikariza gukomeza kwitanga batizigamye mu kazi kabo nk’uko abababanjirije babigenje.

Kuva mu 2021, inzego z’umutekano z’u Rwanda (RSF) ziri muri Mozambique mu bikorwa byo gutsinsura ibyihebe byari byarayogoje Intara ya Cabo Delgado iri mu Majyaruguru y’icyo gihugu.

Kuva icyo gihe ingabo na Polisi by’u Rwanda batanze umusanzu ukomeye mu kwirukana ibyihebe mu bice bitandukanye, zigarura ubuzima mu bice byose, abari barahunze basubira mu byabo.

Mu 2022 inzego za gisirikare z’u Rwanda na Mozambique zasinye amasezerano yo kwagura imikoranire hagamijwe kurushaho gushyira imbaraga mu bikorwa biri kubera i Cabo Delgado no kubaka ubushobozi bw’inzego z’umutekano z’imbere mu gihugu.

Mbere y’uko ingabo z’u Rwanda zihagera, ingabo z’Umuryango w’Afurika y’Iburengerazuba (SADC) zari zaratangiye guhangana n’ibyihebe mu Ntara ya Cabo Delgado kuva mu 2017 zarananiwe kwirukana ibyo byihebe.

Maj. Gen Nyakarundi Vicent yasabye Abasirikare n’Abapolisi bagiye koherezwa muri Mozambique kurangwa n’imyitwarire myiza bakorera hamwe kandi batizigamye
Inzego z’Umutekano z’u Rwanda zafashije Cabo Delgado kugarukana amahoro n’umutuzo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27