U Rwanda na Gabon basinye amasezerano y’imikoranire yo kurwanya ruswa n’inyezandonke

U Rwanda na Gabon basinye amasezerano y’imikoranire yo kurwanya ruswa n’inyezandonke

Kuri uyu wa 31 Mutarama 2025, Urwego rw’Umuvunyi rwasinyanye amasezerano y’imikoranire na Komisiyo y’Igihugu ya Gabon Ishinzwe Kurwanya Ruswa n’Iyezandonke (Commission Nationale de Lutte contre la Corruption et l’Enrichissement Illicite).

Ku ruhande rw’u Rwanda ayo masezerano yashyizweho umukono n’Umuvunyi Mukuru, Nirere Madeleine mu gihe ku ruhande rwa Gabon yasinywe n’Umuyobozi wa Komosiyo y’Igihugu ishinzwe kurwanya Ruswa n’Iyezandonke, Nestor Mbou.

Ayo masezerano asinywe nyuma y’ibiganiro impande zombi zagiranye mu mpera za 2024 bijyanye no gukumira no kurwanya ruswa.

Umuvunyi Mukuru Nirere, yagaragaje ko ayo masezerano y’ubufatanye aje ashimangira ibiteganywa n’amasezerano mpuzamahanga yo kurwanya ruswa ndetse n’ay’akarere asaba ibihugu gufatanya kurwanya ruswa, gukurikirana ibyaha byambukiranya imipaka cyangwa mu gihe hari umutungo wavuye mu gihugu kimwe ujya mu kindi mu buryo bw’ubujura cyangwa  ruswa.

Ati: “Umunyacyaha wava mu gihugu kimwe akajya mu kindi aba agomba gukurikiranwa wa mutungo ukagaruzwa. Ni cyo dushimangira muri ya masezerano.”

Yashimangiye ko muri aya masezerano bazajya bahana amakuru ku byaha bya ruswa bishobora gukorwa n’umuntu uwo ari we wese waturuka hagati y’ibihugu byombi.

Uretse guhanahana amakuru, aya masezerano akubiyemo kongerera ubushobozi abakozi ku mpande zombi binyuze mu guhugura, guhanahana abakozi b’inzobere no gusangira ubunararibonye.

Uretse Gabon Urwego rw’Umuvunyi rusanzwe rufitanye imikoranire na Botswana, ndetse ibihugu nka Nigeria, Zimbambwe n’ibindi nabyo biri mu nzira yo gushyira umukono ku masezerano y’ubufatanye.

Umuvunyi Mukuru, Nirere Madeleine asinya amasezerano
Umuyobozi wa Komosiyo y’Igihugu ishinzwe kurwanya Ruswa n’Iyezandonke mjuri Gabon, Nestor Mbou asinya amasezerano
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27