Tennis: Mugisha agiye gukinira Kaminuza muri Amerika

Tennis: Mugisha agiye gukinira Kaminuza muri Amerika
Mugisha Emmy ugiye gukinira Bethel University muri USA

Kuri uyu wa Gatanu taliki 30 Ukuboza 2022 ni bwo Mugisha Emmy usanzwe akinira ikipe y’igihugu mu mukino wa Tennis ahaguruka mu Rwanda yerekeza muri Leta Zunze Ubumwe z’Amerika aho agiye gukomeza amasomo muri Kaminuza “Bethel University”  ndetse akazanayikinira.

Iyi Kaminuza iherereye mu mujyi wa Mishawaka muri Leta ya Indiana ikina imikino ihuza amashuri makuru na za Kaminuza muri Tennis “NCAA Tennis Championship”.

Taliki 02 Ukwakira 2022 ni bwo iyi Kaminuza  binyuze mu ishami ryayo rishinzwe umukino wa Tennis  “Bethel Pilots Tennis” yahaye ikaze Mugisha Emmy.

Mugisha Emmy agiye muri iyi Kaminuza nyuma y’amezi 8 yari amaze mu Misiri muri Extreme Tennis Academy  mu Mujyi wa Ismailia aho yakinnye imikino mpuzamahanga itandukanye.

Uyu mukinnyi ufite imyaka 20 y’amavuko wazamukiye muri IPRC Kigali Tennis Academy atangaza ko yabonye iri shuri ubwo yari mu Misiri kuko yakinaga amarushanwa mpuzamahanga atandukanye atuma ajya ku rutonde mpuzamahanga.

Yakomeje avuga ko agiye afite intego yo gufatanya n’abandi  bagafasha iyi Kaminuza kwitwara neza  mu marushanwa ahuza amashuri makuru  na za Kaminuza “NCAA Tennis Championship” .

Mugisha atangaza  ko iyi Kaminuza izamufasha muri byose na we akazajya ayikinira aho yizeye ko bizamufasha kuzamura urwego.

Avuga ko  Kaminuza ya Bethel  ubu iri ku myanya ya 46 ariko bafite intego yo kuza mu myanya ya 20 kugira ngo bajye bakina imikino ya nyuma ku rwego rw’igihugu.

Mugisha Emmy avuga ko amasomo muri  Bethel University azatangira taliki 05 Mutarama 2023  gusa taliki 03 Mutarama 2023 ari bwo  bazakirwa muri Kaminuza hanyuma imikino yo ikazatangira taliki 23 Mutarama 2023.

Mugisha agaragaza ko kugira ngo abakinnyi benshi bakiri bato babone amahirwe yo kujya kuzamura urwego rwabo hanze y’u Rwanda ari uko ishyirahamwe ry’umukino wa Tennis mu Rwanda “RTF” ryashishikariza ababyeyi gufasha abana  kuko ari ho bihera ubundi bagashakirwa amarushanwa menshi mpuzamahanga kuko aya mashuri makuru na za Kaminuza ari ho bahera batoranya abakinnyi .

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27