Taekwondo: RTF yakiriye impuguke zije kongerera ubumenyi abakinnyi n’abatoza

Taekwondo: RTF yakiriye impuguke zije kongerera ubumenyi abakinnyi n’abatoza

Mu ishyirahamwe ry’umukino njyarugamba wa Taekwondo mu Rwanda “RTF”, ku wa Kabiri taliki 17 Mutarama 2023 bakiriye abantu batatu b’impuguke muri uyu mukino baturutse muri Koreya baje gufasha mu gutyaza abakinnyi b’Abanyarwanda no kongerera ubumenyi abasanzwe bigisha uyu mukino .

Izi mpuguke z’abakorerabushake zoherejwe n‘Umuryango wegamiye kuri Leta ya Koreya y’Epfo “Taekwondo Promotion Foundation (TPF)” uharanira iterambere ry’uyu mukino Taekwondo unafite inkomoko muri iki gihugu.

Ubunyamabanga bukuru bwa RTF butangaza ko abo bakorerabushake baje biciye ku mwarimu wa Taekwondo, Jeong Ji-Man Ntwali woherejwe na KUKKIWON, nyuma yo gusanga akeneye abandi bamufasha gutyaza by’umwihariko abarimu b’Abanyarwanda.

Ibi kandi bizafasha mu kurushaho kwihutisha iterambere rya Taekwondo mu Rwanda ndetse binafashe mu kurushaho gutyaza abakinnyi bagomba guhagararira u Rwanda mu marushanwa mpuzamahanga atandukanye azaba muri uyu mwaka wa 2023 yaba azabera mu Rwanda no hanze.

Biteganyijwe ko mu mezi abiri aba bakorerabushake bazamara mu Rwanda bazahugura abakinnyi ba Taekwondo mu makipe atandukanye yo mu Mujyi wa Kigali ndetse nomu Ntara bakazanahugura abatoza n’abarimu ba Taekwondo b’ayo makipe.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27