Polisi y’u Rwanda n’iya Abu Dhabi mu gushyiraho ubufatanye buhamye

Polisi y’u Rwanda n’iya Abu Dhabi mu gushyiraho ubufatanye buhamye

Polisi y’u Rwanda n’iya Abu Dhabi bari mu biganiro bigamije gushyiraho ubufatanye buhamye hagamijwe kurinda umutekano w’abantu n’ibyaho.

Byagarutsweho ubwo itsinda ry’abapolisi b’u Rwanda riyobowe n’Umuyobozi Mukuru wa Polisi IGP Felix Namuhoranye ryakirwaga i Abu Dhabi kuri uyu wa Gatanu tariki ya 24 Gicurasi 2024.

Iri tsinda ryari riherekejwe n’Ambasaderi w’u Rwanda muri UAE, Amb. John Mirenge, ryakiriwe n’Umugaba Mukuru wa Polisi ya Abu Dhabi, Maj. Gen. Faris Khalaf Al Mazrouei.

Abu Dhabi ni Umurwa Mukuru wa Leta Zunze Ubumwe z’Abarabu (UAE), ukaba uri ku mwigimbakirwa cya Peresi ucungiwe umutekano na Polisi yaho yabaye ubukombe kuva yashingwa mu mwaka wa 1957 n’Umwami wa Abu Dhabi Sheikh Shakbut bin Al Nahyan.

Polisi y’u Rwanda itangiye imikoranire na Polisi ya Abu Dhabi nyuma yo gusinyana amasezerano y’ubufatanye na Polisi ya Dubai mu kubaka ubushobozi n’ibikorwa bigamije gucunga umutekano.

Ni amasezerano yaje akurikira uruzinduko Perezida wa Repubulika y’u Rwanda Paul Kagame aheruka kugirira i Dubai, aho yanyuzwe n’imikorere ya Polisi ya Dubai nyuma yo gusura  Ibirindiro Bikuru byayo akerekwa ikoranabuhanga rigezweho n’udushya yahanze mu gucunga umutekano w’abantu n’ibyabo.

Ibikorwa byo gusura Ibirindiro Bikuru bya Polisi ya Dubai byabaye mu gihe Perezida Kagame yari yitabiriye Inama yahuje Guverinoma zo ku Isi yabereye i Dubai ku wa 12 kugeza ku ya 14 Gashyantare 2024.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27