Perezida w’Inteko Ishinga Amategeko ya Ghana yakiriwe mu Rwanda

Perezida w’Inteko Ishinga Amategeko ya Ghana yakiriwe mu Rwanda

Perezida w’Umutwe w’Abadepite mu Nteko Ishinga Amategeko y’u Rwanda, Kazarwa Gertrude, yakiriye mugenzi we wa Ghana Alban Sumana Kingsford Bagbin, uri mu Rwanda ruzinduko rugamije gushimangira ubufatanye hagati y’impande zombi. 

Biteganyijwe ko kuri uyu wa Kabiri, bagirana ibiganiro mbere y’uko Perezida w’Inteko Ishinga Amategeko ya Ghana, Alban Bagbin, yerekeza muri Uganda, aho agiye mu nama. 

Inteko Ishinga Amategeko y’u Rwanda n’iya Ghana zisanganywe imikoranire ndetse mu Kwakira 2024, hari itsinda ry’Abadepite bo muri Ghana bagiriye urugendoshuri mu Rwanda.

Mu 2022, Inteko Ishinga Amategeko y’u Rwanda umutwe w’Abadepite yasinyanye amasezerano n’Inteko Ishinga Amategeko ya Ghana, yerekeye imikoranire myiza y’izo Nteko zombi, mu rwego rwo kurushaho gushimangira umubano.

Ibihugu byombi bisanzwe bifitanye imikoranire aho muri Kamena 2022, Ikigo Gishinzwe kugenzura Ubuziranenge bw’ibiribwa n’imiti mu Rwanda (Rwanda FDA) n’icyo muri Ghana basinyanye amasezerano ku bufatanye ajyanye n’ubufatanye bwo gukora imiti n’inkingo, mu gutegura Rwanda FDA kugera ku cyiciro cya 3 no guteza imbere ikorwa ry’inkingo mu bihugu byombi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27