Perezida Kagame yitabiriye isiganwa rya Formula 1 Grand Prix

Perezida Kagame yitabiriye isiganwa rya Formula 1 Grand Prix

Perezida wa Repubulika y’u Rwanda Paul Kagame, yaraye ageze i Doha muri Qatar aho yitabiriye gukurikirana isiganwa rya Formula 1 (F1) Grand Prix ry’uyu mwaka wa 2024.

Perezida Kagame n’itsinda rimugaragiye bakiriwe ku Kibuga cy’Indege Mpuzamahanga cya Hamad n’Umunyamabanga Mukuru muri Minisiteri y’Ububanyi n’Amahanga Dr. Ahmed bin Hassan Al Hammadi hamwe n’Ambasaderi w’u Rwanda muri Qatar Igor Marara Kainamura.

Perezida Kagame yerekeje i Doha akubutse i Arusha muri Tanzania aho yari yitabiriye Inama ya 24 y’Abakuru b’Ibihugu bihuriye mu Muryango w’Afurika y’Iburasirazuba.

Perezida Kagame yitabiriye ayo marushanwa mu gihe u Rwanda ruri mu biganiro byo kwakira aya marushanwa muri Afurika, aho rushobora gusimbura Afurika y’Epfo irimo guharanira kugagurura ayo marushanwa ahitwa Kyalami.

Ku wa Gatandatu, amarushanwa yo gusiganwa mu gihe gito yeguganywe na Oscar Piastri mu gihe Max Verstappen ari we waje ku mwanya w’ibanze wa Grand Prix.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27