Perezida Kagame yitabiriye irahira rya Perezida mushya wa Gabon

Perezida Kagame yitabiriye irahira rya Perezida mushya wa Gabon

Perezida Paul Kagame yageze i Libreville mu Murwa Mukuru w’Igihugu cya Gabon, kwifatanya n’abandi Bakuru b’Ibihugu bo hirya no hino mu birori by’irahira rya Perezida mushya wa Gabon, Gen. Brice Clotaire Oligui Nguema, uherutse gutorerwa kuyobora iki gihugu.

Gen. Brice Clotaire Oligui Nguema ararahira nk’Umukuru w’Igihugu cya Gabon, mu muhango ubera kuri Stade de l’Amitié kuri uyu wa Gatandatu tariki ya 3 Gicurasi 2025.

Ni umuhango ufite isura idasanzwe kandi witabiriwe n’abakuru b’ibihugu na za Guverinoma batandukanye babarirwa muri 16.

Nyuma yo kurahira, uyu General w’imyaka 50 aratangira kuyobora manda y’imyaka irindwi. Yatsindiye mu matora ya mbere yakurikiye ihirikwa ry’ubutegetsi, agira amajwi arenga 90%.

Gen. Brice Clotaire Oligui Nguema ashyize iherezo ku butegetsi bw’igihe kirekire bw’umuryango wa Bongo wari umaze imyaka hafi 56 uyobora Gabon, nyuma yo kubusezerera muri Kanama 2023.

Yavukiye mu ntara y’amajyepfo y’uburasirazuba ya Haut-Ogooué.

Akiri muto yinjiye mu mutwe w’ingabo zidasanzwe zishinzwe kurinda Perezida wa Repubulika ya Gabon, nyuma yo guhugurirwa mu Ishuri rikuru rya gisirikare rya Meknes Royal Military Academy muri Maroc mu 1997.

Akunda umupira w’amaguru na volleyball, avuga Igifaransa n’Icyongereza, kandi afite umugore n’abana.

Gen. Nguema yasuye u Rwanda mu Ukwakira 2023, ahita ategeka Minisiteri y’Ububanyi n’Amahanga w’igihugu cye gushinga ambasade mu Rwanda vuba bishoboka.

Perezida Paul Kagame ashyitse i Libreville
Perezida Paul Kagame yakiranwe urugwiro mu mujyi wa Libreville
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27