Perezida Kagame yageze i Nairobi muri Kenya mu nama ihuza Afurika n’u Bufaransa

Perezida Kagame yageze i Nairobi muri Kenya mu nama ihuza Afurika n’u Bufaransa

Perezida wa Repubulika y’u Rwanda Paul Kagame yageze i Nairobi muri Kenya kuri uyu wa Mbere tariki 11 Gicurasi 2026, aho yifatanyije n’Abakuru b’Ibihugu bo hirya no hino muri Afurika bitabiriye Inama y’Ubufatanye bw’Afurika n’u Bufaransa (Africa Forward Summit) yateguwe kandi iyoborwa na Perezida William Ruto wa Kenya na Emmanuel Marcon w’u Bufaransa.

Iyi Nama y’iminsi ibiri yatangiye kuri uyu wa Mbere tariki ya 11 Gicurasi, ikazakomeza no ku wa 12 Gicurasi 2026, ifite insanganyamatsiko yo guteza imbere ibishya n’ubukungu. Ni inama yitabiriwe n’abarenga 4,000 baganira ku bufatanye bwa Afurika n’u Bufaransa mu guteza imbere ibiganiro, ubucuruzi, ishoramari, guhanga ibishya ndetse n’iterambere rirambye.

Minisitiri w’Ububanyi n’Amahanga n’Ubutwererane, Amb Olivier Nduhungirehe yavuze ko u Rwanda hari inyungu rufite mu kwitabira iyi nama kuko ruteza imbere gahunda yo guhanga ibishya.

Ati “Nk’uko mubizi, turi igihugu giteza imbere udushya, giteza imbere uburumbuke mu by’ubukungu, ubucuruzi n’ishoramari, tukaba rero tuzitabira ibiganiro byose kugira ngo turebe ko Afurika yatera imbere, n’ubufatanye hagati ya Afurika n’u Bufaransa bugatera imbere ariko bishingiye ku nyungu z’impande zombi.”

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27