Perezida Kagame yasabye abagize Guverinoma kuzirikana iterambere ry’umuturage

Perezida Kagame yasabye abagize Guverinoma kuzirikana iterambere ry’umuturage

Perezida Kagame yasabye abagize Guverinoma n’abandi bitabiriye umwiherero guhora bazirikana iterambere ry’umuturage.

Ni ingingo yagarutseho ubwo hasozwaga umwiherero w’abagize Guverinoma wari umaze iminsi ibiri ubera ku Intare Arena i Rusororo mu Karere ka Gasabo.

Ni umwiherero waganiriwemo ingamba zitandukanye zigamije iterambere rirambye, biturutse ku gukorera hamwe.

Ubutumwa bwashyizwe hanze n’Ibiro by’Umukuru w’Igihugu, bugaragaza ko Perezida Kagame yasabye abayobozi kugira ibakwe ryo gushyira imbere abaturage mu byo bakora byose, bagamije gufasha igihugu kugera ku ntego cyihaye.

Intego y’uyu mwiherero watangiye ku wa Kabiri tariki 19 Werurwe, ni ukurebera hamwe uko aba bayobozi barushaho kugira uruhare muri gahunda zigamije kugera ku ntego u Rwanda rwihaye mu by’ubukungu n’imibereho myiza y’abaturage.

Ni mu gihe kandi u Rwanda rushaka kuba igihugu gifite amikoro aringaniye mu 2035 ndetse n’igihugu gikize mu 2050.

Gen (Rtd) James Kabarebe aganira na Minisitiri Dr Ugirashebuja Emmanuel
Minisitiri w’Intebe Dr Edouard Ngirente yereka bagenzi be bimwe mu byifuzwa ngo u Rwanda rukomeze gutera imbere
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27