Perezida Kagame yakiriye uhagarariye Banki y’Isi muri Afurika yo Hagati n’iy’Amajyepfo

Perezida Kagame yakiriye uhagarariye Banki y’Isi muri Afurika yo Hagati n’iy’Amajyepfo

Perezida wa Repubulika y’u Rwanda Paul Kagame, yakiriye Itsinda ry’abayobozi muri Banki y’Isi riyobowe na Perezida wayo mu Karere ka Afurika yo Hagati n’iy’Amajyepfo, Ndiamé Diop, baganira ku bufatanye n’umusanzu w’iyi Banki mu iterambere ry’u Rwanda. 

Ibiro by’Umukuru w’Igihugu (Village Urugwiro), byatangaje ayo makuru kuri uyu wa 19 Ugushyingo 2025.

Ubwo Perezida Kagame yakiraga iryo tsinda yari ayoboye, yari kumwe n’umujyanama wihariye mu Biro by’Umukuru w’Igihugu, Francis Gatare na Minisitiri w’Imari n’Igenamigambi (MINICOFIN), Murangwa Yusuf.

Banki y’Isi ni urwego mpuzamahanga rwashinzwe mu 1944, rufite inshingano yo gutanga inguzanyo n’inkunga byo gushyigikira imishinga yo guteza imbere inzego zitandukanye mu bihugu biri mu nzira y’iterambere.

Kuva tariki ya 14 Werurwe kugeza tariki ya 9 Nzeri 2025, Guverinoma y’u Rwanda na Banki y’Isi bifitanye imishinga itandatu irimo iyo kurengera ibidukikije, guteza imbere serivisi yo gutwara abantu mu mijyi, gufasha impunzi ndetse no guhangana n’ingaruka z’ibiza.

Muri iyi mishinga yose, Banki y’Isi yateganyaga guha u Rwanda miliyoni 531,81 z’Amadolari ya Amerika (miliyari 763,3 Frw) zo kurufasha kuyishyira mu bikorwa, mu gihe Inama y’Ubutegetsi yayo yabyemeza.

Perezida Kagame yarikiye Ndiamé Diop, n’itsinda yari ayoboye baganira ku bufatanye bw’u Rwanda na Banki y’Isi
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27