Perezida Kagame yakiriye ubutumwa bwa mugenzi wa Gabon

Perezida Kagame yakiriye ubutumwa bwa mugenzi wa Gabon

Ku gicamunsi cyo kuri uyu wa Kane tariki ya 20 Ukwakira 2025, Perezida wa Repubulika y’u Rwanda Paul Kagame yakiriye mu biro bye Minisitiri ushinzwe Amavugurura n’imibanire y’inzego muri Gabon Francois Ndong Obiang, wamushyigikirije ubutumwa bwa mugenzi we Perezida Brice Oligui Nguema wa Gabon.

U Rwanda na Gabon ni ibihugu bisanzwe bifitanye umubano ushingiye ku kwagura ibikorwa by’ubukungu no kubyaza umusaruro amahirwe y’ubucuruzi n’ishoramari.

Mu kwezi k’Ukwakira 2024, Perezida wa Repubulika y’u Rwanda Paul Kagame yakiriye Perezida w’inzibacyuho wa Gabon akaba n’Umuyobozi w’inzibacyuho wa Komite yashyiriweho kuvugurura inzego Gen. Brice Clotaire Oligui Nguema, bagirana ibiganiro byagarutse ku ngingo ziganisha ku bufatanye bw’ibihugu byombi.

Gabon kandi yaje kwigira no gufatanya n’u Rwanda mu guharanira iterambere ry’ubukungu, yiyemeje kwimakaza ubutwererane mu bya Politiki n’u Rwanda, kuko hari amahirwe menshi cyane y’imikoranire hagati y’ibyo bihugu byombi.

Gabon ni igihugu giherereye ku nkengero z’inyanja ya Atalantika, ikaba ifite ibyo yohereza mu mahanga by’ingenzi ari byo peteroli, amabuye y’agaciro nka manganese na uranium ndetse no gucuruza imbaho zo mu biti bya muvura ari na byo byiharira uruhare runini rw’umusaruro mbumbe w’Igihugu (GDP).

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27