Perezida Kagame yakiriye mu biro bye intumwa ya AU

Perezida Kagame yakiriye mu biro bye intumwa ya AU

Ku gicamunsi cyo kuri uyu wa Mbere tariki 11 Ugushyingo 2024, Perezida wa Repubulika Paul Kagame yakiriye mu biro bye itsinda riyobowe na Adama Dieng, Intumwa Yihariye y’Umuryango wa Afurika Yunze Ubumwe ishinzwe kurwanya icyaha cya Jenoside n’andi marorerwa.

Ni uruzinduko arimo kugirira muri Afurika y’Iburasirazuba n’iyo Hagati.

Muri Mata uyu mwaka, ni bwo Perezida wa Komisiyo y’Umuryango wa Afurika Yunze Ubumwe, Moussa Faki Mahamat, yagennye Umunya-Sénégal, Adama Dieng nk’Intumwa Yihariye y’uyu muryango ishinzwe kurwanya icyaha cya Jenoside n’andi marorerwa. 

Yanabaye kandi umujyanama wihariye w’Umunyamabanga Mukuru wa Loni ushinzwe kurwanya Jenoside.

Dieng yitezweho gufasha mu ishyirwa mu bikorwa rya gahunda ya AU yo guhashya ingengabitekerezo y’urwango na Jenoside muri Afurika.

Adama Dieng w’imyaka 74, mu 2001 yagizwe Umwanditsi mu rwahoze ari Urukiko Mpuzamahanga rwashyiriweho u Rwanda rwari i Arusha.

Mu 2012, nibwo yagizwe Intumwa y’Umunyamabanga Mukuru wa Loni ishinzwe kurwanya Jenoside.

Mu kiganiro Adama yagiranye na Euro News cyitwa “Cry like a boy” mu gihe gishize, yavuze ko hari abagore bahohoteye abagabo b’abatutsi muri Jenoside yakorewe Abatutsi.

Yagize ati: “Ku bijyanye n’abagabo mu Rwanda, birumvikana, icyabaye ni uko abo bagore bagaba ari Abatutsi, kandi bafatwaga ku ngufu n’abasirikare n’Interahamwe, byageraga n’aho bateshwa agaciro ku buryo habaga ubushake bwo kubatesha agaciro.”

Dieng yavuze ko abantu bakwiriye kugira amasomo basigirwa na Jenoside yakorewe Abatutsi cyane ko inkiko zafashe iki cyaha cyo gufata ku ngufu nk’icy’intambara.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27