Perezida Kagame yakiriye impapuro zemerera Amb.Gao guhagararira u Bushinwa mu Rwanda

Perezida Kagame yakiriye impapuro zemerera Amb.Gao guhagararira u Bushinwa mu Rwanda

Kuri uyu wa Kabiri tariki ya 29 Nyakanga Perezida Paul Kagame yakiriye impapuro zemerera Ambasaderi mushya w’u Bushinwa, Gao Wenqi guhagararira igihugu cye mu Rwanda.

Amb. Gao Wenqi, yageze mu Rwanda ku wa 27 Kamena 2025, aje gusimbura mugenzi we Amb. Wang Xuekun wari usoje imirimo ye mu Rwanda.

Yakiriwe n’abayobozi muri Minisiteri y’Ububanyi n’Amahanga n’Ubutwererane y’u Rwanda nabo muri Ambasade y’u Bushinwa. Icyo gihe yavuze ko yiyemeje guteza imbere ubufatanye bunoze kandi bizagirira akamaro ibihugu byombi n’abaturage babyo.

Ambasaderi Wang wari ucyuye igihe yasezerewe na Perezida Kagame muri Werurwe nyuma y’uko na Minisitiri w’Ububanyi n’Amahanga w’u Rwanda, Olivier Nduhungirehe yari aherutse kumwakirana n’abandi Badipolomate akabashimira ku ruhare rwabo mu guteza imbere umubano w’ibihugu byabo n’u Rwanda.

Muri Nzeri 2022 ni bwo Perezida Kagame yakiriye impapuro zemereraga Amb. Wang Xuekun guhagararira u Bushinwa mu Rwanda. Icyo gihe Wang Xuekun yari asimbuye Amb. Rao Hongwei, wari uherutse gusoza inshingano ze nka Ambasaderi w’u Bushinwa kuva mu 2016.

U Rwanda n’u Bushinwa bisanzwe bifitanye umubano wihariye umaze imyaka irenga 50.

Ibihugu byombi, umubano wabyo ushingiye mu kwimakaza ubutwererane mu bya politiki, ubukungu, guhererekanya umuco gusangira ubunararibonye mu burezi, ubuzima, ubuhinzi, iterambere ry’ibikorwa remezo, ishoramari n’ibindi.

Amb.Gao Wenqi yashyikirije Perezida Paul Kagame impapuro zimwemerera guhagararira u Bushinwa mu Rwanda

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27