Perezida Kagame yakiriye Bobby Pittman Umuyobozi w’Inama y’Ubutegetsi ya BRD

Perezida Kagame yakiriye Bobby Pittman Umuyobozi w’Inama y’Ubutegetsi ya BRD

Perezida Paul Kagame yakiriye Bobby Pittman, akaba ari Umuyobozi w’Inama y’Ubutegetsi ya Banki Nyarwanda Itsura Amajyambere (BRD), baganira ku mahirwe y’ishoramari aboneka mu Rwanda.

Ibiro by’Umukuru w’Igihugu, Village Urugwiro, byanditse ko Perezida Kagame yakiriye Bobby Pittman, umwe mu bashinze Oath Africa na Kupanda Capital, akanaba ari Umuyobozi w’Inama y’Ubutegetsi ya Banki Nyarwanda Itsura Amajyambere (BRD).

Bobby J. Pittman Jr. ni Umunyamerika w’impuguke mu bukungu wabaye umufasha wihariye wa Perezida George W. Bush, akaba n’Umuyobozi Mukuru ushinzwe ibibazo bya Afurika muri White House kuva 2006 kugeza 2009.

Yari kandi Umujyanama w’Umujyanama w’umutekano w’igihugu Stephen Hadley na Perezida Bush ku bibazo bya Afurika.

Pittman yari mu itsinda ry’Umuryango w’Abibumbye ryagenzuye ishyirwa mu bikorwa ry’ibikorwa by’ingenzi muri Afurika rishinzwe iby’imari, Umuyobozi wa gahunda yerekeranye na Malariya (PMI), Gahunda yihutirwa yo kurwanya SIDA (PEPFAR), umushinga ushinzwe uburezi muri Afurika n’Ikigo cya Amerika cy’ubufatanye mu bijyanye n’imfashanyo z’amahanga (Millennium Challenge (MCA)).

Ikigo Bobby yagizemo uruhare mu kugishinga, Kupanda Capital ari cyo kigo cyigenga gikora ishoramari, kigatanga ubujyanama mu bijyanye no kwagura ubucuruzi ndetse n’ibigo by’ubucuruzi muri Afurika.

Perezida Paul Kagame yakiriye Bobby Pittman n’itsinda bari kumwe
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27