Perezida Kagame yahamagaye Pereziza w’u Bufaransa kuri telefoni 

Perezida Kagame yahamagaye Pereziza w’u Bufaransa kuri telefoni 

Perezida Paul Kagame yahamagaye kuri telefoni mugenzi we w’igihugu cy’u Bufaransa Emmanuel Macron baganira ku bijyanye n’umubano w’ibihugu byombi n’ikibazo cy’umutekano muri Repubulika Iharanira Demokarasi ya Congo.

Ibiro by’Umukuru w’Igihugu Village Urugwiro, byatangaje ku rukuta rwa X biti: “Perezida Kagame na Perezida Macron Emmanuel bagiranye ibiganiro bitanga umusaruro kuri telefoni.

Baganiriye ku guteza imbere umubano n’imikoranire y’ibihugu byombi mu gihe kizaza.

Abakuru b’Ibihugu bibanze ku bibazo by’Akarere, bimwe muri byo harimo ibijyanye n’umutekano muke uri mu Burasirazuba bwa Congo.

Bagaragaje ko hakenewe igisubizo cyuzuye cya politiki kandi bagaragaza inzira zihari zifasha kugera ku gisubizo zirimo ibiganiro bya Luanda n’ibyahuje Abakuru b’Ibihugu by’Afurika y’Iburasirazuba (EAC) i Nairobi muri Kenya.”

Mu ruzinduko Perezida w’u Bufaransa Emmanuel Macron yagiriye muri Repubulika Iharanira Demokarasi ya Congo tariki ya 4 Werurwe 2023, yagaragaje ko Congo ifite uruhare runini mu kudakemura ibibazo byayo ahubwo ikabishyira ku bindi bihugu.

Perezida Macron yabwiye Perezida Tshisekedi ko atigeze agira ubushake n’uruhare rwo gukemura ibibazo by’umutekano muke urangwa mu gihugu cye ahubwo akabishinja u Rwanda.

Muri Werurwe 2024, Perezida w’u Bufaransa, Emmanuel Macron yavuze ko ashyigikiye inzira zo gukemura ibibazo hagati ya Repubulika Iharanira Demokarasi ya Congo (RDC) n’u Rwanda binyuze mu nzira z’ibiganiro.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27