Perezida Kagame yagiranye ibiganiro na Emir wa Qatar ku mubano w’ibihugu byombi

Perezida Kagame yagiranye ibiganiro na Emir wa Qatar ku mubano w’ibihugu byombi

Perezida wa Repubulika Paul Kagame, yagiranye ibiganiro na Emir wa Qatar Sheikh Tamim bin Hamad Al Thani, ku mibanire myiza isanzweho hagati y’ibihugu byombi n’ubufatanye mu nzego z’ingenzi.

Emir wa Qatar yakiriye Perezida Kagame mu biro bye Amiri Diwan, kuri uyu wa Gatatu tariki ya 12 Gashyantare 2025. Ibiganiro byabo byagarutse ku mibanire myiza isanzweho hagati y’ibihugu byombi n’ubufatanye mu nzego z’ingenzi.

U Rwanda na Qatar ni ibihugu by’inshuti zikomeye cyane, aho ibihugu byombi bifatanya mu nzego zitandukanye, ubwo bucuti bugashingimangirwa n’imigenderanire.

U Rwanda na Qatar bifatanya mu bijyanye n’umutekano, guteza imbere ishoramari n’ubufatanye mu bijyanye n’ubukungu, ubucuruzi n’ikoranabuhanga, ubukerarugendo, kurwanya ruswa n’ibindi.

Qatar kandi iri gufatanya n’u Rwanda mu ishoramari rijyanye n’ubwikorezi, cyane cyane mu mushinga w’Ikibuga cy’Indege cya Bugesera, aho Qatar Airways ifitemo imigabane ingana na 60%.

Muri Mutarama 2025 Perezida Kagame yavuze ko hari byinshi biri gukorwa bijyanye n’amasezerano u Rwanda rwasinyanye na Qatar mu kubaka Ikibuga Mpuzamahanga cy’Indege cya Bugesera no kugura imigabane ingana na 49% muri RwandAir, ko ibyinshi biri kugera ku musozo.

Perezida Kagame yakiriwe mu Biro bya Emir wa Qatar
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27