Perezida Kagame yaganiriye n’Umuyobozi Mukuru wa Mastercard Foundation

Perezida Kagame yaganiriye n’Umuyobozi Mukuru wa Mastercard Foundation
Perezida Kagame yakiriye Reeta Roy, Umuyobozi Mukuru w’Umuryango Mastercard Foundation na Sewit Ahderom

Perezida wa Repubulika, Paul Kagame, yagiranye ibiganiro na Reeta Roy, Umuyobozi Mukuru w’umuryango Mastercard Foundation na Sewit Ahderom ugiye gusimbura Roy umwaka utaha.

Ni ibiganiro byabaye kuri uyu wa Gatanu tariki 10 Ukwakira 2025, muri Village Urugwiro.

Ibiro by’Umukuru w’Igihugu byatangaje ko Perezida Kagame n’abo bashyitsi baganiriye ku bikorwa bya Mastercard Foundation muri Afurika, no ku bufatanye n’u Rwanda by’umwihariko.

Ubufatanye bwa Mastercard Foundation na Leta y’u Rwanda bwibanda ahanini ku guhanga imirimo, uburezi, kongerera ubumenyi urubyiruko ku bijyanye n’iterambere n’ibindi.

Umuryango Mastercard Foundation uteganya kubakira ubushobozi urubyiruko rwa Afurika rugera kuri Miliyoni 30 hibandwa cyane cyane ku bagore, kugira ngo mu 2030 ruzabe rufite imirimo myiza irufasha kwiteza imbere.

Mu 2021, Mastercard Foundation na Kaminuza y’u Rwanda byatangije ubufatanye buzamara imyaka 10, bugamije gufasha abanyeshuri 1,200 b’abahanga ariko badafite ubushobozi, bukaba buzashorwamo angana na Miliyoni 55 z’Amadolari y’Amerika (ni ukuvuga asaga Miliyari 79 z’Amafaranga y’u Rwanda).

Si ibyo gusa kuko uyu muryango utanga amahugurwa anyuranye ku rubyiruko ndetse ugakora n’ubukangurambaga mu Rwanda, kugira ngo rubashe kwihangira imirimo, muri gahunda ya Leta yo kongera imirimo hagamijwe kugabanya ubushomeri.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27