Perezida Kagame yaganiriye n’abagize Inteko ya USA ku guteza imbere ubuzima n’ishoramari

Perezida Kagame yaganiriye n’abagize Inteko ya USA ku guteza imbere ubuzima n’ishoramari

Perezida wa Repubulika Paul Kagame yakiriye itsinda ry’abagize Inteko Ishinga Amategeko ya Leta Zunze Ubumwe za Amerika (USA) bayobowe na Brett Guthrie usanzwe ari umuyobozi wa Komisiyo Ishinzwe Ingufu n’Ubucuruzi muri iyo Nteko. Perezida Kagame yakiriye iri tsinda kuri uyu wa 30 Nyakanga 2026 nk’uko Ibiro by’Umukuru w’Igihugu, Village Urugwiro byabitangaje.

Itangazo ryashyizwe hanze rigira riti: “ Baganiriye ku rugendo rw’impinduka n’iterambere u Rwanda rumaze kugeraho, ndetse n’uburyo bwo kurushaho kunoza ubufatanye hagati y’u Rwanda na USA mu nzego z’ingenzi zihuriweho, zirimo ubuzima, ingufu n’ishoramari.”

Uretse Guthrie iri tsinda rigizwe na Troy Carter, Morgan Griffith, Russ Fulcher, Jay Obernolte, Cliff Bentz, Craig Goldman na Julie Fedorchak.

U Rwanda na USA basanganywe ubufatanye mu ngeri nyinshi zirimo guteza imbere ubukungu, uburezi, ubuzima no mu iterambere ry’abaturage binyuze mu Kigega cya Leta Zunze Ubumwe za Amerika gishinzwe iterambere mpuzamahanga (USAID) n’indi mishinga inyuranye.

Perezida Kagame yakiriye itsinda ry’Inteko Ishinga Amategeko ya Leta Zunze Ubumwe
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27