Perezida Kagame yaganiriye n’abagize Inama y’Ubutegetsi ya RDB

Perezida Kagame yaganiriye n’abagize Inama y’Ubutegetsi ya RDB

Perezida Paul Kagame yitabiriye inama y’Inama y’Ubutegetsi y’Urwego rw’Igihugu rw’Iterambere, RDB, yibanze ku guteza imbere ishoramari ry’abikorera, kongera ibyoherezwa mu mahanga no kunoza ubukerarugendo.

Iyi nama yabereye ku cyicaro cya RDB kuri uyu wa Gatatu, tariki ya 2 Nzeri 2026, yibanze ku kwihutisha imishinga y’ingenzi yarwo ndetse n’imbaraga zashyizwe mu guteza imbere ishoramari ry’abikorera, kongera ibyoherezwa mu mahanga no kunoza ubukerarugendo hagamijwe gushyira u Rwanda ku isonga mu kubaka ubukungu bubushingiyeho.

Muri ibi biganiro, Umukuru w’Igihugu yashimangiye ko ari ingenzi gukomeza kunoza imitangire ya serivisi no korohereza abashoramari na ba rwiyemezamirimo gukora nta nkomyi. Inama y’Ubutegetsi ya RDB iyobowe na Itzhak Fisher, uri ku mwanya wa Perezida wayo, afatanya na Evelyn Kamagaju nka Visi Perezida.

Abandi bayigize barimo Alice Nkulikiyinka, umuyobozi mukuru wa Business Professionals Network (BPN) Rwanda; Ivan Kagame, usanzwe ukora ibijyanye n’ishoramari n’imari; Liban Soleman Abdi; Dr Diane Karusisi, Umuyobozi Mukuru wa Banki ya Kigali; Eric Kacou na Kassahun Kebede.

RDB ni urwego rushinzwe mu nshingano ibikorwa birimo guteza imbere ishoramari, ubukerarugendo, ibyoherezwa mu mahanga no gufasha abashoramari kubona serivisi zituma bashora imari mu Rwanda.

Perezida Kagame n’abagize Inama y’Ubutegetsi ya RDB baganiriye ku kwihutisha iterambere ry’abikorera
Perezida Kagame yagiranye ibiganiro n’abagize Inama y’Ubutegetsi ya RDB
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27