Perezida Kagame na Madamu Jeannette Kagame bageze i Paris 

Perezida Kagame na Madamu Jeannette Kagame bageze i Paris 

Perezida wa Repubulika Paul Kagame na Madamu Jeannette Kagame bageze i Paris mu Bufaransa, aho bitabiriye igikorwa cyo gufungura Ikimenyetso cy’Urwibutso rwa Jenoside yakorewe Abatutsi mu 1994 rwubatswe mu mujyi rwagati i Paris, rwiswe “Les Archives”. 

Uyu muhango uteganyijwe ku gicamunsi cyo kuri uyu wa Kabiri tariki ya 2 Kamena 2026, uritabirwa na Perezida w’u Bufaransa Emmanuel Macron, abayobozi muri Guverinoma y’u Rwanda n’iy’u Bufaransa, Abadipolomate, abarimu, abashakashatsi n’abandi. 

Urwibutso rwubatswe ku bufatanye bwa Leta y’u Bufaransa, Umujyi wa Paris n’Ishami ry’u Bufaransa ry’Umuryango Uharanira Inyungu z’Abacitse ku Icumu rya Jenoside yakorewe Abatutsi (IBUKA France), rukaba rwarakozwe n’umunyabugeni Grada Kilomba wavukiye muri Portugal.

Ni Urwibutso rugizwe n’ibice bibiri binini bifite ishusho y’urukiramende, ruzaba ahantu hahoraho ho kwibukira no kuzirikana Jenoside yakorewe Abatutsi mu 1994, ndetse no guha icyubahiro abayizize.

Nyuma yo gufungura urwo rwibutso, Perezida Kagame na Madamu Jeannette Kagame barakirwa ku meza na Perezida Emmanuel Macron na Madamu Brigitte Macron.

Les Archives, Ikimenyetso cy’urwibutso rwa Jenoside yakorewe Abatutsi mu 1994 cyubatswe mu Mujyi wa Paris rwagati
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27