Perezida Kagame na Antonio Costa baganiriye ku makimbirane muri RDC 

Perezida Kagame na Antonio Costa baganiriye ku  makimbirane muri RDC 

Perezida wa Repubulika Paul Kagame, yatangaje ko yagiranye ibiganiro bitanga umusaruro n’Umuyobozi w’Inama y’Umuryango w’Ubumwe bw’u Burayi (EUC) António Costa, ku bibazo by’umutekano muke muri Repubulika Iharanira Demokarasi ya Congo (RDC). 

Perezida Kagame na António Costa bemeranyijwe ko hakenewe uburyo buboneye bwo guhosha amakimbirane no gukemura ikibazo cy’umutekano muke nu buryo burambye binyuze mu biganiro bya Politiki mu guharanira amahoro arambye. 

Perezida Kagame yagize ati: “Twashimangiye ko impande zose zifite aho zihuriye no gushaka igisubizo kubigira ibyabo kandi bakagira ubushishozi, nubwo ikibazo ubwacyo gikomeye. 

Perezida Kagame yahishuye ko abayobozi bombi baganiriye ku kurushaho gusigasira ubutwererane bw’u Rwanda n’Umuryango w’Ubumwe bw’u Burayi mu nzego zitandukanye. 

U Rwanda na EU bisanzwe bifitanye umubano n’ubutwererane bw’igihe kirekire bishingiye ku kwimakaza imiyoborere mpuzamahanga, ku miryango mpuzamahanga no ku ngingo z’inyungu u Rwanda rusangiye n’ibihugu biwugize. 

EU n’u Rwanda kandi bifatanya mu kwimakaza iterambere rirambye kandi ritagira n’umwe riheza, ndetse nk kongera ubucuruzi n’ishoramari hagati y’impande zombi. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27