Paul Kagame n’Umuryango we batoye

Paul Kagame n’Umuryango we batoye

Paul Kagame, Umukandida w’Umuryango RPF-Inkotanyi ku mwanya w’Umukuru w’Igihugu yatoye mu matora ahatanyemo kongera kuyobora u Rwanda n’ay’Abadepite yabaye kuri uyu wa 15 Nyakanga 2024.

Perezida Paul Kagame, yari aherekejwe na Madamu we Jeannette Kagame bakaba batoreye mu Murenge wa Kinyinya mu Karere ka Gasabo, ku Ishuri rya SOS Kinyinya, riherereye mu Kagari ka Gacuriro.

Paul Kagame akigera kuri iyo site y’itora yasuhuje abaturage bari bategereje gutora maze yinjira mu cyumba cy’itora atanga ibyangombwa bisabwa hanyuma ahabwa n’impapuro z’itora ajya mu bwihugiko aratora. Ni ko byagenze no kuri Madamu Jeannette Kagame wari umuherekeje.

Abandi bakandida bahatanira umwanya w’Umukuru w’Igihugu, Dr Frank Habineza w’Ishyaka DGPR n’umukandida wigenga, Mpayimana Philippe na bo batoye mu ma saa yine.

Umukandida w’Umuryango FPR- Inkotanyi yagaragarije mu bikorwa byo kwiyamamaza ko yizeye gutsinda aya matora.

Yabishingiye ku bwitabire, bw’abamushyigikiye kuri site zitandukanye, bwari hejuru.
Dr Habineza na we, nk’uko yari yabivuze ubwo yasozaga ibikorwa byo kwiyamamaza, kuri uyu wa 15 Nyakanga yashimangiye ko afite amahirwe 55% yo kwegukana umwanya w’Umukuru w’Igihugu.

Mpayimana watoreye kuri site ya Camp Kigali mu Karere ka Nyarugenge, yabwiye itangazamakuru ko na we yizeye intsinzi, ateguza abamushyigikiye ko bamwenyura ubwo Komisiyo y’Igihugu y’Amatora iza kuba itangaza iby’ibanze byavuye mu matora.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27