Norway igiye kohereza mu Rwanda François Gasana ukekwaho Jenoside 

Norway igiye kohereza mu Rwanda François Gasana ukekwaho Jenoside 

Polisi ya Noruveje (Norway) yatangaje umugambi wo koherereza ubutabera bw’u Rwanda François Gasana ukekwaho kugira uruhare muri Jenoside yakorewe Abatutsi mu 1994.

Gasana yafatiwe ahitwa Oslo mu kwezi k’Ukwakira 2022 nyuma y’iperereza ricukumbuye ryakozwe n’Urwego Rushinzwe Iperereza ku byaha (Kripos).

Muri Nzeri 2923, Urukiko rwo muri Oslo rwategetse ko Gasana akwiye koherezwa mu Rwanda ariko ajuririra icyo cyemezo. 

Muri Mata 2024, Urukiko rw’Ubujurire rwashimangiye icyemezo cyo kumwohereza kuburanira mu Rwanda, aho ibyaha akekwaho byabereye. 

Gasana yarongeye ajuririra icyo cyemezo muri Kamena 2024 ariko biba iby’ubusa kuko urukiko rwashimangiye ko agomba koherezwa mu Rwanda. 

Icyemezo cy’urukiko cyaje kwemezwa na Minisiteri y’Ubutabera hamwe n’abagize Guverinoma ya Noruveje muri Gashyantare 2025 . 

Kuri uyu wa 27 Kamena, Umuvugizi wa Polisi ya Noruveje mu by’amategeko Thea Elize Kjaeraas, yemeje ko Gasana kuri ubu ategereje koherezwa mu Rwanda. 

Kjaeraas yagize ati: “Ukekwa kuri ubu agiye koherezwa mu Rwanda, aho azahagarara imbere y’ubutabera akurikiranyweho kugira uruhare muri Jenoside [yakorewe Abatutsi mu 1994].”

Bivugwa ko Gasaba ibyaha akurikiranyweho ari ibyo yakoze ubwo yari afite imyaka 12. 

Guverinoma ya Noruveje yasobanuye ko kumwohereza kuburanira mu Rwanda bikubiye mu kwiyemeza bashyize mu kubahiriza amasezerano mpuzamahanga, arimo n’asinyirwa mu Muryango w’Abibumbye agamije gukumira no kurwanya Jenoside. 

Sangiza abandi iyi nkuru
Ibitekerezo 1
lg

Tekereza amashereka uwo muntu aba yaronse uko ameze kuburyo atangira kwica kumyaka 12 harabantu bavumwe gusa

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27