Minisitiri Nduhungirehe yitabiriye Inama ya 48 y’Akanama ka AU

Minisitiri Nduhungirehe yitabiriye Inama ya 48 y’Akanama ka AU

Minisitiri w’Ububanyi n’Amahanga n’Ubutwererane, Amb. Olivier J. P. Nduhungirehe, yitabiriye Inama ya 48 y’Akanama k’Umuryango wa Afurika Yunze Ubumwe, ibanziriza iya 39 y’Abakuru b’Ibihugu iteganyijwe ku wa 14-15 Gashyantare 2026. 

Iyi nama y’iminsi ibiri iri kubera i Addis Ababa muri Ethiopia guhera kuri uyu wa gatatu, tariki ya 11 Gashyantare 2026, ifite insanganyamatsiko igira iti: “Ikwirakwizwa ry’amazi n’ibikorwa by’isuku n’isukura mu buryo burambye hagamijwe kugera ku ngamba zikubiye mu Cyerekezo 2063”.

Atangiza ku mugaragaro iyi nama, Perezida wa Komisiyo y’Umuryango wa Afurika Yunze Ubumwe, Mahmoud Ali Youssouf yagaragaje ko amazi ari umutungo w’ingenzi uhuriweho ugomba kubungabungwa mu gihe cy’imihindagurikire y’ibihe kandi ugakoreshwa nk’igikoresho cy’amahoro n’ubufatanye hagati y’ibihugu bigize uyu Muryango.

Yagize ati: “Mu gihe habayeho imihindagurikire y’ibihe, gukoresha amazi neza mu buryo bukwiye mu mibereho ya buri munsi ni ngombwa cyane. Uyu mutungo w’ingenzi ugomba gufatwa nk’inyungu rusange kugira ngo ubungabungwe uko byagenda kose kandi ukaba umuyoboro wo guhuza ibihugu byacu no kugira amahoro.”

Aka kanama ka AU ni rumwe mu nzego z’ibanze zigize uyu muryango, kagizwe na ba Minisitiri b’Ububanyi n’Amahanga mu bihugu by’ibinyamuryango cyangwa abandi bagenwa ngo bahuze ibikorwa n’ibyemezo kuri politiki zigenga inzego ibyo bihugu bifitemo inyungu rusange n’ibindi.

Perezida wa Komisiyo y’Umuryango wa Afurika Yunze Ubumwe, Mahmoud Ali Youssouf yasabye ibihugu bya Afurika gukoresha neza amazi mu guhangana n’imihindagurikire y’ibihe
Iyi nama ya 48 iri kubera ku Cyicaro gikuru cya AU giherereye I Addis Ababa muri Ethiopia
Iyi nama yitabiriwe n’Abaminisitiri b’Ububanyi n’Amahanga bo mu bihugu bigize uyu muryango
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27