Martin Chungong ashyigikiye amasezerano hagati y’u Rwanda na RDC

Martin Chungong ashyigikiye amasezerano hagati y’u Rwanda na RDC

Umunyamabanga Mukuru w’Ihuriro ry’Inteko Zishinga Amategeko ku Isi (IPU), Martin Chungong yavuze ko ashyigikiye amasezerano y’amahoro hagati y’u Rwanda na Repubulika iharanira Demokarasi ya Congo, RDC.

Urwo ruzinduko rwa Chungong rugamije kureba uburyo habaho ibiganiro ku rwego rw’Inteko mu rwego rwo gushyigikira ishyirwa mu bikorwa ry’amasezerano yasinywe hagati y’u Rwanda na DRC i Washington, tariki 27 Kamena 2025.

Perezida wa Sena, Dr. Kalinda François Xavier ari kumwe n’abagize Biro mu mitwe yombi, yagiranye ibiganiro n’Umunyamabanga Mukuru w’Ihuriro ry’Inteko Zishinga Amategeko ku Isi (Inter-Parliamentary Union – IPU), Martin Chungong. 

Dr Kalinda yavuze ko iryo huriro riharanira amahoro n’iterambere.

Ati: “Ni umuryango uharanira demokarasi, amahoro n’iterambere aho ukora ubuvugizi binyuze mu Nteko Zishinga amategeko.”

Yakomeje avuga ko Chungong acyuye igihe kandi amushimira ko yari ashyigikiye amahoro.

Yagize ati: “Chungong yaboneyeho umwanya wo kudusezeraho kuko igihe cye kirangiye. Turashima ko ashyigikiye amahoro ndetse n’amasezerano hagati y’u Rwanda na RDC.

Ku ruhande rw’uriya muryango (IPU) ni ugushyigikira ubuvugizi bukorwa n’Inteko zishinga amategeko.”

Perezida w’Inteko, Umutwe wa Sena, Dr Kalinda yasobanuye ko u Rwanda rwamaze gusinya ayo masezerano y’amahoro.

Yagize ati: “Ku ruhande rw’u Rwanda twamaze gusinya itegeko ryemera kwemeza ayo masezerano n’ibindi bikorwa bigamije gushyira mu bikorwa ayo masezerano.”

Uriya muryango ushyigikiye u Rwanda kandi biri mu nshingano kubungabunga amahoro hirya ni hino ku Isi kandi biteguye kuyatera inkunga ngo icyo agamije kizagerweho.

Martin Chungong ni Umunyamabanga Mukuru wa munani w’Ihuriro ry’Inteko Zishinga Amategeko ku Isi (IPU).

Ni umunyakameruni wanabaye umuntu wa mbere utari Umunyaburayi akaba Umunyafurika wa mbere watorewe kuba Umunyamabanga Mukuru wa IPU, yatangiye kuyobora uwo mwanya ku ya 1 Nyakanga 2014.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27