Madamu Jeannette Kagame yakurikiye umukino wiswe ‘Urubohero’

Madamu Jeannette Kagame yakurikiye umukino wiswe ‘Urubohero’

Madamu Jeannette Kagame yakurikiye umukino wiswe ‘Urubohero, quand l’Histoire s’écrit au féminin’, ugamije guha icyubahiro abagore bagize uruhare mu kubaka u Rwanda na Afurika.

Ni umukino wakurikiranywe n’izindi nzego zitandukanye harimo n’Umunyamabanga Mukuru w’Umuryango w’Ibihugu bivuga ururimi rw’Igifaransa (OIF), Louise Mushikiwabo, ku mugoroba wo kuri uyu wa Kane tariki 20 Ugushyingo 2025.

Mu butumwa bwe, Madamu Jeannette Kagame yavuze ko uyu mukino ugamije guha icyubahiro abagore bagize uruhare rukomeye mu kubaka u Rwanda no guha Afurika icyerekezo.

Umukino wamurikiwe muri Camp Kigali, mu gihe i Kigali kuva ku wa 19-20 Ugushyingo 2025, hamaze iminsi ibiri habera Inama ya 46 y’Abaminisitiri bo mu Muryango w’Ibihugu bikoresha Ururimi rw’Igifaransa, OIF.

Ibyakorerwaga mu rubohero mu Rwanda rwo hambere

Mu myaka yo hambere iyo umukobwa yageraga mu gihe cy’ubwangavu afite mu myaka 14, byari bizwi neza ko icyo gihe agomba kujya mu rubohero, guhabwa amasomo atandukanye azamufasha mu buzima bwo mu rugo.

Aha ni ahantu abakobwa b’abangavu bahuririga n’abagore bakuze bagakora imirimo itandukanye y’ububoshyi ariko by’umwihariko akaba umwanya mwiza w’impanuro zijyanye no kubaka urugo.

Mu rubohero babwirwaga uburyo bwo kubaka rugakomera, uko umugore akwiye kwitwara n’ibindi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27