Madamu Jeannette Kagame yagaragaje Inkubito z’Icyeza nk’iterambere ry’umuryango

Madamu Jeannette Kagame yagaragaje Inkubito z’Icyeza nk’iterambere ry’umuryango

Mu myaka 20 ishize, Madamu Jeannette Kagame, avuga ko anyuzwe no kubona abakobwa banyuze muri gahunda yiswe Inkubito z’Icyeza batera intambwe igana imbere kandi bakazamukana n’umuryango.

Abinyujije ku rukuta rwe rwa X, yagize ati “Iyo umukobwa yubakiwe ubushobozi bwo kwibeshaho, umuryango wose uzamukana na we.”

Yavuze ko mu myaka 20 ishize, ashimishijwe no kubona abakobwa batera imbere kandi bafite intego no kwiyemeza kugera ku ntsinzi.

Abakobwa basaga 7 600 bamaze guhabwa ibihembo. Ibi ngo ni ukongera gushimangira ko biyemeje gukomeza guharanira uburezi bw’abakobwa no guha amahirwe ab’ikiragano kizaza.

Madamu Jeannette Kagame yashimiye uwashoboye gufata umwanya we mu myaka 20 kugira ngo ateze imbere uburezi bw’abakobwa.

Ku wa 24 Gicurasi 2025 ni bwo habaye ibirori byo kwizihiza isabukuru y’imyaka 20 ishize hatangijwe Gahunda ya Inkubito z’Icyeza.

Inkubito y’Icyeza ni gahunda y’Umuryango Imbuto Foundation yatangijwe na Madamu Jeannette Kagame mu 2005, hagamijwe gushimira abana b’abakobwa baba batsinze neza ibizamini bya Leta bisoza icyiciro cy’amashuri abanza n’ayisumbuye.

Inkubito z’Icyeza zifatwa nk’inkingi y’iterambere ry’umuryango
Inkubito z’Icyeza zizihije isabukuru y’imyaka 20
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27